"Ich, Seidel(5), hern Ruedgers son von Haichenpach(4), vergich vnd thue khunt allen denen, die disen prief sehent oder horent lesen, do ich zwaymal vom closter vnd von mein orden war, daz sich daz mein herr, der probst(8) vnd die prueder zu einem grossen laster annemben vnd da ich wider zu inen wolt fahren, daz si mir des gemainigkhlichen zu wider waren, als lang, bis daz ich inen mit guetem willen vnd mit verdachtem muett nach meiner freundt rat gelubd hab, daz ich es nimer thun will vnd thun soll. Wer aber daz gethan, daz ich mer von inen war, so soll die pfrüendt(26) vnd alles, das in von mir worden ist, ledig sein, vnd daz ich auf Glacing(11) vnd Liechteneck(12), daz si mir vergolten haben, noch auf chain guett, daz sie von meinen vatter gehabt oder noch haben, nimmer khain ansprach will noch mag haben, was lig oder schnig [!] gehaissen sey, vnd haben darumb nach meiner bitt zu mir gelubd meine zwen oheim Valkenstainer Kalchoch(6) vnd Chunrad(7) vnd mein oheim herr Ortneid von Tannberg(13). Vnd daz die red von mir vnzerbrochen bleib, darüber gib ich disen prieff dem gotshaus vnd denen pruedern da zu dem Schlag verinsigelt mit meiner dreyer oheim Kalchochs vnd Chunradts der Valckensteiner vnd Orttneids von Tannberg. Dessen sind geczeugen die samnung(8) des vorgnanten closters vberall, Velreich der pfarrer von St. Oswald(24), herr Burckhardt der pfarrer von Rorbach(25), Irmfrid der Claffbeck(15), Purchart von Valkenstain(16), Otto der Crotendorfer(17), Walchun von Reinspach(18), Diettrich der Sreiber(20) vnd Simon von Rennarigel(21) vnd andere erbare leuth. Der prieff ist gegeben, do von Christi geburth waren tausend dreihundert sechzehen Jar, an sant Geruasij vnd Prothasij tag(*)."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 95 (S 77.a), S. 109-111