"Nouerint vniuersi presencia inspecturi, quod ego Gerungus(1), plebanus in Winchil(2), conuenj curiam et decimas ad tempora vite mee in Winchil, a preposito et fratribus de Plaga(3) Marie, sub pactis et condicionibus infra scriptis(4), videlicet, quod ipsis annis singulis in omnem euentum tenebor circa Danubium assignare decem et septem modios omnis grani, quinque modios tritici, et quinque syliginis, tres ordei et quatuor auene, de meliori que mihi diuina prestauerit bonitas fide data. Assignauerunt mihi eciam tres porcas, et de qualibus debeo eis annuatim duos porcellos nutrire et conseruare usque ad tempus, quod debeant inpinguari. Ad hec tradiderunt michi sex aucas et viginti pullos, et jumentum valens duas libras, cuius fetus dimidius eis cedet. Debeo eciam omni anno cum decem aucis, et decem pullis, et decem columbis ipsis ad vindemium subuenire, fimum eciam de curia, nisi ad agros eorum debeo deducere, non ad meos. Assignauerunt mihi eciam agros cum yemalibus seminatos, eorum seminibus, laboribus et expensis. Insuper voui pro singulari mihi remedio, quod ipsis debeo tres uel quatuor vaccas conseruare, de quibus eis fiant per meam prouisionem fidelem, casei et butyrum, et fetus diligencius conseruentur. Preterea, siue testatum uel intestatum, me contingat decedere, lego exnunc prout extunc omnia mea bona, tam in campis quam in ipsa curia, pridem et tunc existencia, predictis fratribus de Plaga Marie, ad habenda libere et quiete sine inpeticione omnium et meorum quorumlibet amicorum. Jn cuius rei testimonium has litteras, ipsis supradictis fratribus in Plaga dedi sigilli mei munimine consignatas. Excipitur tamen, quod si, quod absit, fruges grauiter per grandinem lederentur, tunc pro decem et septem modiis superius expressis, ipsis tenebor, tam decime quam culture partem dimidiam fideliter assignare. Datum anno Domini Mo. CoCoCo. XIXo, jn die vndecim milliorum virginum."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 107 (S 87), S. 120-121