"Nos, Albertus(1), Dei gracia ecclesie Patauiensis episcopus, ad vniuersorum noticiam volumus deuenire, quod permutacionem bonorum infra scriptorum(2), videlicet omnium agrorum, pratarum et siluarum ad bona in Neydslag et Geyselræut pertinencium, que sunt immediate adiacencia meatui fluminis Muechle distincte et absolute donec ad ryuolum, qui inter Geyselræut et Swobzoede defluit et ab eisdem terminis generaliter per ascensum omnia nemora ac deserciones siue deserta, videlicet in Newndorf, in Hawnstayn, in Mitterræut, in Zagelaw, necnon in Oedenchirchen(3) cum quibuslibet aliis inibi situatis, cultis seu incultis, quesitis seu inquirendis donec ad riuolum, qui Vin[der]sterpach(4) vvlgariter nuncupatur, que venerabilis pater, dominus Wernh[ardus](5), antecessor noster bone memorie propria, ut intelleximus, conparauit pecunia, factam cum bonis in Glaczing et in Liechtenek, in Ruedmarstorf, in Autengrueb, in Pellenczræut, in Mulode et in Swobzoede, de consensu venerabilium fratrum canonicorum ac capituli nostri ratam habemus ac gratam, et ob maiorem firmitatem presentis scripti patrocinio confirmamus. Jn cuius rei testimonium presens scriptum fieri et sigilli nostri munimine fecimus conmuniri, presentibus eciam testibus subnotatis Alb[ero] de Winchel(6) canonico Patauiensi, Ludolfo(7) decano Chremensi, Ortlibo Czændlino(8), magistris Laurentio(9) et Petro(10), notariis nostris, Chalhoho(11) et Chunrado(12) de Valchensteyn et aliis quam pluribus fide dignis. Actum et datum Patauie, anno Domini Mo. CCCo. vicesimo secundo, VIIIo jdus aprilis."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 114 (S 95), S. 126-127