"Nos Gotfridus(1) Dei gracia Patauiensis episcopus ad vniuersorum noticiam volumus deuenire, quod permutacionem bonorum infrascriptorum(2), videlicet omnium agrorum, pratorum et siluarum ad bona in Neidslag et Geyselræut pertinencium, que sunt inmediate adiacencia meatui fluminis Muchle, distincte et absolute donec ad ryuolum, qui inter Geyselræut et Swobzoede defluit, et ab eisdem terminis generaliter per ascensum omnia nemora ac deserciones siue deserta, videlicet in Neundorf, in Hawnsteyn, in Mitterræut, in Zagelaw, necnon in Oedenchirchen cum quibuslibet alijs inibi situatis, cultis sev incultis, quesitis sev inquirendis donec ad riuolum, qui Vinsterpach wulgariter nuncupatur, que venerabilis pater dominus Wernhardus(3) antecessor noster bone memorie propria, vt intelleximus, conparauit pecunia, factam cum bonis in Glaetzing et in Lyechtenek, in Ruodmanstorf, in Autengruob, in Pellentzræut, in Mueloed et in Swobzode, quam permutacionem dominus et reuerendus in Christo pater dominus Albertus(4) felicis recordacionis antecessor noster litteris suis confirmauit, de consensv venerabilium fratrum canonicorum ac capituli nostri ratam dictam permutacionem habemus ac gratam ||
et ob maiorem firmitatem presentis scripti patrocinio confirmamus. Jn cuius rei testimonium presens scriptum fieri et sigilli nostri munimine fecimus conmuniri, presentibus eciam testibus subnotatis, Ottone de Lonstorf(5), decano ecclesie nostre, Kerhoho de Radekk(6), Alberto de Winchel(7), Wilhelmo de Wintsperch(8), canonicis ecclesie Patauiensis, Eberhardo de Walsse(9), Heinrico de Valkenstein(10), et alijs quam pluribus fide dignis. Actum et datum Patauie, feria sexta proxima post jnuocauit anno Domini millesimo CCCmo XLo quarto."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 143 (S 117), S. 149-150