"Bonifacius(1) [...] Dyepoldo(2), preposito monasterii Plagensis(3) per prepositum soliti gubernari, Premonstratensis ordinis, Patauiensis diocesis [...]. Personam tuam [...]. Dudum siquidem monasterio Plagensi Premonstratensis ordinis, Patauiensis diocesis, tunc per obitum quondam Petri(4), prepositi eiusdem monasterii per prepositum soliti gubernari, qui extra Romanam curiam decesserat, vacante, nos eidem monasterio, cuius provisio per nos antea fuerat disposicioni apostolice specialiter reservata(5), de persona tua, qui canonicus ipsius monasterii ac rector parrochialis ecclesie in Bernarticz(6) Pragensis diocesis tunc existebas, duximus auctoritate apostolica providendum, preficiendo te eidem monasterio in prepositum, prout in nostris inde confectis litteris plenius continetur. Cum autem, sicut exhibita nobis nuper pro parte tua peticio continebat, predictum monasterium novissimis temporibus in suis edificiis ignis incendio fuerit quasi consumptum, tuque propterea de fructibus ad preposituram eiusdem monasterii pertinentibus onera tibi incumbencia supportare et huiusmodi edificia commode reparare non posses, nisi tibi de alicuius subvencionis auxilio succurratur, nos [...] tibi, qui, ut asseris, possessionem administracionis bonorum eiusdem monasterii nondum es adeptus, et super quo in palacio apostolico litigas, auctoritate apostolica [...] concedimus, ut, eciam postquam huiusmodi possessionem administracionis dictorum bonorum pacifice assecutus fueris, dictam parrochialem ecclesiam per canonicos dicti monasterii regi consuetam, quam adhuc obtines, et cuius octo, una cum huiusmodi prepositura prefati monasterii, cuius sexaginta marcharum argenti puri [...] valorem annuum [...] [fructus ...] non excedunt, usque ad decennium a data presencium computandum [...] retinere valeas [...]. Datum Rome, apud sanctum Petrum, sexto(7) nonas(8) septembris, anno sexto."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 217, S. 218