"In nomine Domini amen. Cunctorum perit memoria factorum, nisi scriptis et testibus veridicis fuerint roborata. Nos igitur, Henricus de Rosemberg(1), notum facimus presentibus et futuris publice vniuersis, quod cum honorabilis vir, dominus Bartholomeus(2), plebanus de Swyetlyk(3), nobis dilectus, ad augendum cultum Dei et sue genitricis gloriose virginis Marie, necnon omnium sanctorum zelum habuisset, sueque anime et suorum predecessorum necnon benefactorum thezaurum inmarcescibilem in celestibus thezaurisare appeteret, intendens eciam post mortem suam uel in ecclesia parochiali Chrumpnaw(4) misse mature ut perpetue decantetur septem sexagenas grossorum census annui perpetui annectere, uel alias in bonis nostris censum eundem, prout sibi vna nobiscum et nobis vna secum competencius ac salubrius videbitur, pro suo, suorumque predecessorum et benefactorum remedio animarum conuertere, de nobis specialem habens fiduciam octuaginta quatuor sexagenas grossorum Pragensium in parata pecunia nobis assignauit, humiliter nobis supplicans et confidenter, quatinus pro eadem pecunia sibi certos et perpetuos redditus, videlicet septem sexagenas grossorum census annui, in nostris bonis mundis, liberis et bene obsessis hereditatibus cum omni iure et dominio comparare et condescendere dignaremur et illos sub nostra tuicione conseruare et nostrorum heredum ac successorum deberemus, ipsique domino Bartholomeo in vita et post mortem, quo ipse vna nobiscum deputauerit et conuerterit, quod perpetue singulis annis in singulis sanctorum Jeorgij et Galli festis incipiendo a proximo festo sancti Georgij idem census per emptos et comparatos incolas absque impedimento persoluantur. Nos igitur, Henricus de Rosemberch, consideratis salubribus et salutiferis dicti domini Bartholomei, plebani in Swyetlyk, peticionibus [...] cupientes annuere et obuiare [...]. Harum testimonio litterarum et robore, quibus sigilla nostra de certa nostrum omnium sciencia et in maius testimonium famosorum virorum Przybyconis de Zymunticz(5), protunc purgrauij in Chrumpnaw(6), Woytyechonis de Kraselow(7), sigilla presentibus sunt appensa. Sub anno Domini millesimo trecentesimo nonagesimo sexto, sabbato post Andree."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 222, S. 226-227