"Wenceslaus(1), Dei gratia decanus ecclesiæ Pathauiensis, executor unicus ad infra scripta a sede apostolica specialiter deputatus. Vniuersis et singulis dominis abbatibus, prioribus, præpositis, decanis, archidiaconis, thesaurarijs, scholasticis, cantoribus et canonicis tam cathedralium quam collegiatarum et rectoribus parrochialium ecclesiarum, plebanis, viceplebanis et præsbiteris, curatis et non curatis, perpetuis vicarijs, beneficiatis, thabellionibus et notarijs publicis ac clericis quibuscumque per ciuitatem et diocæsin Pathauiensem ac alias ubilibet constitutis, salutem in Domino et mandatis nostris, imo verbis apostolicis firmiter obedire. Litteras sanctissimi in Christo patris et domini, domini Innocentij(2) diuina prouidentia papæ septimi, eius uera bulla plumbea in cordula canapis more Romanæ curiæ bullatas, sanas et integras, non uiciatas, non cancellatas, nec in aliqua sui parte suspectas, sed omni prorsus uitio et suspicione carentes, nobis per honorabiles et religiosos viros, dominos Nicolaum Flenczel(3), Lucam(4) et Wernhardum(5), canonicos monasterij in Plaga, ordinis Præmonstratensis, Pathauiensis diocæsis, coram notario publico et testibus infra scriptis praesentatas, nos cum ea, qua decuit, reuerentia recepisse noueritis per omnia in hæc uerba:||
||
,Innocentius episcopus [...] pontificatus nostri anno primo.‘(6)||
||
Post quarum quidem litterarum apostolicarum præsentationem et receptionem fuimus per præfatos dominos Nicolaum, Lucam et Wernhardum, canonicos monasterij in Plaga, debita cum instantia requisiti, quatenus ad executionem dictarum litterarum apostolicarum et contentorum in eisdem procedere dignaremur, ac ipsos ab excommunicationis, suspensionis et interdicti sententijs et pænis alijs in eisdem litteris apostolicis contentis absoluere et super irregularitate, si quam forsan occasione præmissorum contraxissent, dispensare cum ipsis curaremus. Nos uero formam dictarum litterarum apostolicarum iuxta ipsarum tenorem prosequi uolentes, mandauimus prius per citationem generalem ualuis ecclesiarum Pathauiensium et dicti monasterij in Plaga, Pathauiensis diocæsis adingendia, citari et euocari, omnes et singulos, quorum interest uel sua interesse putauerint, seu quibus præmissorum occasioni foret satisfaciendi. In quibus quidem litteris citatorijs præfiximus eisdem terminum sex dierum spacium, in quo coram nobis ||
Pathauiæ in domo habitationis nostræ comparere deberent ad uidendum et audiendum prefatos dominos canonicos a prefatis excommunicationis suspensionis et interdicti sententijs et alijs pænis in dictis apostolicis litteris comprehensis in forma ecclesiæ consueta absolui et super irregularitate, si quam forsan occasione præmissorum contraxissent dispensare, uel ad dicendum et alligandum causam rationabilem, si quam haberent, quare præmissa fieri non deberent. Quo termino adueniente comparuerunt coram nobis præfati domini, uidelicet Nicolaus, Lucas et Wernhardus, canonici, et citationem nostram huiusmodi debite executam, de qua etiam nobis per instrumenta publica fidem fecerunt, reportarunt exhibendi, quibus sic visis, auditis et intellectis, ad executionem dictarum litterarum apostolicarum ad præfatorum dominorum canonicorum humilem petitionem processimus, ipsosque coram nobis flexis genibus prostratos, a dictis excommunicationis, suspensionis et interdicti sententijs et alijs pænis in ipsis litteris apostolicis contentis, dicta auctoritate in forma sanctæ matris ecclesiæ duximus absoluendi et absoluimus. Recepto tamen primitus ab eisdem destando iuri et parendo mandatis ecclesiæ atque nostris corporali iuramento, ipsosque et eorum quemlibet communioni fidelium ac participationi sanctorum ecclesie duximus restituendi et restituimus, ac ipsos sic absolutos et restitutos nunciamus per præsentes. Iniunximusque eisdem pro modo culpæ pænitentiam salutarem, ipsos etiam ab executione ordinum ad tempus certum tunc ipsis præfixum suspendimus, demum cum ipsis super irregularitate occasione præmissorum ut præmittitur forsan contracta auctoritate apostolica nobis in hac parte tradita et concessa, misericorditer dispensauimus iuxta ipsarum litterarum apostolicarum formam continentiam et tenorem. Quocirca uobis dominis supradictisb et cuilibet uestrum præsentibus committimus et sub excommunicationis pæna, quam in vos et quemlibet vestrum trium tamen dierum canonica monitione præmissa, nisi feceritis quæ mandamus, ferimus in his scriptis districte præcipiendo mandamus, quatenus huiusmodi nostram absolutionem in vestris ecclesijs singulis diebus dominicis et festiuis infra missarum solempnia et in sermonibus publicis, dum maior ibidem adfuerit populi multitudo, alta et intelligibili uoce publicetis et intimetis ac ab alijs publicari et intimari faciatis, ubi, quoties et quando fuerit oportunum, ac per dictos dominos canonicos super hoc fueritis requisiti seu fuerit requisitus. In quorum omnium et singulorum fidem et testimonium præmissorum præsentes litteras seu præsens publicum instrumentum huiusmodi absolutionis in se continentes seu continens exinde fieri et per Danielem(7), notarium publicum, scribamque nostrum infrascriptum scribi et publicari mandauimus, nostrique sigilli iussimus appensione conmuniri. Datum et actum Pathauiæ, in domo habitationis nostræ, in stubella nostra noua, sub anno a natiuitate Domini Mo. CCCCo. quinto, indictione tertia decima, die uero octauo mensis octobris, hora tertiarum uel quasi, sanctissimi pontificatus in Christo patris et domini nostri, domini Innocentij diuina prouidentia papæ septimi prædicti, anno primo, præsentibus ibidem strenuo milite Andrea Herlensperger(8), Wernhardo Helltaler(9) de Griesbach presbitero, et Ioanne Waczrieder(10), clerico Pathauiense et Frisingensis diocæsis testibus ad præmissa uocatis specialiter et rogatis."||
||
[NOTARIATSSIGNET] "Et ego, Daniel Forster(7) de Malhersdorff, clericus Ratis-||
ponensis diocæsis, publicus jmperiali auctoritate notarius, quia dictarum litterarum ||
apostolicarum præsentationi ac huiusmodi absolutioni, petitioni, omnibusque alijs ||
et singulis præmissis, dum sic ut præmittitur, per præfatum dominum Wenceslaum, ||
decanum et executorem ac coram eo fierent et agerentur una cum prænominatis ||
testibus præsens interfui eaque sic fieri uidi et audiui, jdeoque præsens publicum ||
instrumentum huiusmodi absolutionem in se continentes seu continens, propria ||
manu scripsi et in hanc publicam formam redegi, signoque et nomine meis solitis et ||
consuetis una cum appensione sigilli præfati domini Wenceslai decani et executoris ||
de ipsius mandato consignauit rogatus et requisitus in fidem testimoniumque omnium præmissorum."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 238, S. 247-249