"In nomine Domini. Amen. Anno ab incarnacione Domini millesimo quadringentesimo octauo, indiccione prima, die vero quinta mensis junij, hora completorii uel quasi, pontificatu sanctissimi in Christo patris et domini, domini nostri Gregorij(1), diuina prouidencia pape duodecimi, anno suo suo [!] secundo, jn mei notarii publici testiumque infra scriptorum presencia personaliter constitutus. Ego, Martinus(2), professus monasterii Milocensis, Pragensis diocesis, de gracia Dei prepositus in Plaga, Patauiensis diocesis, quam preposituram ego, prefatus Martinus, obtinui per tres sentencias diffinitivas, vbi tunc temporis curia Romana residebat, ego antedictus Martinus obligaui me coram nobili domino, domino Reinberto de Walssee(3) et coram notario publico infrascripto omnia infrascripta rata, firma et grata tenere ac habere, et ad id non coactus, non conpulsus verbis neque factis nec vllo quovis alio modo. Ego, Martinus sepedictus, debeo et volo omnnes meas litteras apostolicas bullatas cum processibus et tribus sentencijs diffinitiuis obtenta ac omnia mea monumenta siue instrumenta resignare et ad repositorium ponere nobilissimi domini Reinberti de Walssee, et prefatam preposituram debeo ad vnum uel duos annos regere et vti cum fructibus, redditibus, iuribus et obuencionibus, sicut et ego me obligaui in vna littera sigillata(4) in thewtunico composita, scripta et roborata cum octo sigillis appensa et specialiter sigillis venerabilis domini, domini Swamitomiri(5), abbatis monasterii Milacensis ac magnifici domini Heinrici de Rosenberg(6) et aliorum discretorum virorum sigilla appendencium. Super quibus ita gestis et factis sepe dictus Martinus pecijt ita fieri per me, notarium publicum infrascriptum, vnum uel plura instrumentum uel instrumenta tociens, quociens necessarium aut oportunum fuerit. Acta sunt hec jn castro Lincze(7), Patauiensis diocesis, anno, jndiccione, die, loco et hora, pontificatu, quibus supra, presentibus honorabilibus ac nobilibus viris et dominis, domino Walthero strenuo milite de Sewsenekk(8), Petro Anhanger(9), Johanne Harrocher(10) purgrafio tunc temporis in Rosenberg, laicis Patauiensis diocesis nec non pluribus fide dignis testibus ad premissa vocatis pariter et rogatis in testimonium omnium premissorum etc. etc."||
||
[NOTARIATSSIGNET] "Et ego, Andreas dictus Guldein(11), clericus Patauiensis, ||
publicus apostolica et jmperiali auctoritate notarius, dicte compromissioni, ||
arbitracioni ac omnibus alijs et singulis dum sic, ut premittitur, fierent et agerentur ||
vnacum prenominatis testibus presens interfui eaque sic fieri et audiui prefatum ||
Martinum ad illa non coactum, illa in hanc publicam formam redegi, propria manu mea scripsi signoque nomine meis solitis signaui et requisitus in euidens ||
testimonium omnium premissorum etc. etc. etc."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 246, S. 255-256