"Wir Heinrich(1) von Gots genaden pfallenczgraue bey Rein vnd herczoge in Beiern etc. bekennen offenlichen mit dem brief, als vnser vodern seliger gedechtnuess kayser Ludweig(2) vnd die andern etc. zu dem kloster vnd goczhauß ze dem Slegl(3), ||
gelegen an dem walde, alle jar ain pfunt weites vnd vier pfunt klaynes salczes(4) geben habend mauttfrey(5) ainstena in dem jare ze fueren nach irer brief lautt vnd sag, dieselben genaden haben wir in ze voderist durich Got vnd vnßer sel hayl bestaett vnd bestaetten in die mit kraft des brifes, vnd gebieten auch darumb vnßerm mautter zu Burkchausen(6), der yeczo ist oder furbas da wirdet, das ir das egenant goczhauß bey den egenanten vnsern genaden haldet vnd mit cheinen sachen dar jnne bekrenkchen wellet, als lieb euch vnser hulde sein. Das ist vnser wille vnd heissen genczleichen. Zu vrkunde geben wir in den brief, mit vnserm anhangendem jnsigel versigelten. Geschehen zu Varnpach(7), als man zalt nach Kristi gepurde vierczehen hundert, darnach in dem newnten jare, an montag nach Gots leichnams tag."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 252 (S 164), S. 262