"Ich, Wolffgang Joriger zw Tolled(1), mein hawsfraw vnd all vnser eriben veriechen vnd tun chkunt an dem offen brieff allen den, die den brieff ansechent, horent oder lessent, das ich gelichen hab ze lechen Thoman dem Grozhaupt(2), die czeit richtter zw Begschaiden, vnd allen seinen eriben daz gut zw Ochsenslag(3), das da leyt in Peylstainer(4) pharr, mit aller seiner zwegehorung inn scholcher massen, daz er vnd sein eriben davon dulden vnd leiden alls ander vnser lechenlewt, vnd pin auch des guetz ir rechtter lechenherr vnd furstant an aller der stat, wo in dez not durfft geschicht, allz schoelcher lechen recht ist in dem land. Mit vrkunt des brieffs, den ich in darumb gieb, versigelt mit meinem aigen anhangendem jnsigl, alles das stat ze haben, das oben an dem brieff verschriben stet, vnengolten an vnser lechenschafft. Der brieff ist geben, do man czalt von Christi gepurd vierczehen hundert jar, vnd darnach in dem sechczehenten jar, des samcztags nach sand Gilgen(5) tag."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 271 (S 181), S. 290