"Ich Linhart Wielantstorffer(1) von Waczenchirichen(2), beken offenleich mit dem brieff, das ich fueer gesehen pin warden von dem hochwirdigen vnd geistleichen vatter vnd herren, herrn Andre(3), probst vnser lieben frawn kirichen czw dem Slegell vnd von dem ganczen conuent da selbs lautter durich Gocz willen vnd durich vleyssiger gepet willen des hochwirdigen vnd geistleichen vatter vnd herren, herrn Sigmunden(4), weichphischoff des pistum zw Passaw, vnd durich der edelln vnd vesten Conrat Eker(5), richter die zeit zw Euerding, vnd Pawls Wolfsluchkner(6), do in solicher mainung vnd beschaydenha[it], wann der egenant Lienhart pey vns ist vnd vnserem goczhaws, so scholl er die phrueent verdien[en mi]t singen vnd mit lesen ze sambt vnd als ein ander prueder, vnd wann er dan nicht pey vns ist [...](7) ger persann, so scholl er von vns vns [!] nicz begeren noch foderen, vnd wan wir in mugen erlangen in n[...]t, das wir sein begeren, es sey in ein jartag oder in anderen dingen, das er mag verpringen, dar in scho[ll er] vns gehorsam sein, ausgenomen in sawmet ehaefft noett, so mug wir sein nicht begeren etc. Mitt vrk[und d]es brieff, besigellten mit der edelln vnd vesten Conrat Eker, die zeit richter zw Euerding, vnd Pawls Wolfsluk[ner, ir] payder anhangunden jn sigellen, dy si an den brieff gehangen haben durich meiner vleyssigen gepet [willen], doch in vnd iren erben an schaden. Der brieff ist geben worden am freytag vor dem pluemostertag(8), [do] man czalt von Cristi gepuert vierczen hundert jar, vnd in dem sechs vnd virczkisten iar."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 310 (S 204), S. 336