"Nos Sigismundus(1), Dei et apostolice sedis gracia episcopus Saloniensis(2), reuerendissimi in Christo patris ac domini, domini Leonardi(3), eadem gracia episcopi Patauiensis in pontificalibus cooperator, vniuersis cristifidelibus Deum sincero corde colentibus presentes litteras inspecturis salutem in eo, qui est vera salus omnium viuorum et mortuorum. Quia pro modulo nostro fidelium mentes vnius effici voluntatis et ad cultum diuinum ex cordis affectu per opera pie deuocionis cristifideles allicere cupientes gracia sancti spiritus nobis specialiter suffragante ea deuocione et diligencia, qua potuimus, altare in Heyligenstain(4) vvlgariter nucupato, jn honore sanctissime Dei genitricis virginis Marie, sanctorum Wolfgangi(5), Leonhardi confessorum, et Appolonie virginis, jn die sancti Marci ewangeliste de nouo consecrauimus. Et dedicacionem eiusdem altaris proxima dominica post octauas visitacionis gloriose virginis Marie, in cuius honore principaliter est consecratum, singulis annis statuimus celebrari. Jgitur omnibus vere penitentibus, contritis et confessis, qui ad predictum altare venerint, missasque ibi legerint uel audierint, seu reliquias in prenominato altari constitutas pie visitauerint, siue manus adiutrices porrexerint cum cera, candelis, libris, quibusue rebus ad cultum diuinum spectantibus deuote obtulerint, jn omnibus festiuitatibus subscriptis, videlicet natalis Domini, circumcisionis, epyphanie, parasceues, pasche, ascensionis Domini nostri Ihesu Cristi, penthecostes, sancte trinitatis, corporis Christi atque per eiusdem octauas, sancti Johannis baptiste, sanctorum apostolorum Petri et Pauli et omnium apostolorum, sancte Marie Magdalene, jn festiuitatibus jnuencionis et exaltacionis sancte crucis, sancti Michaelis archangeli, jn die omnium sanctorum, jn commemoracione omnium animarum, jn omnibus festiuitatibus sancte Marie virginis, singulis dominicis diebus, jn dedicacione atque in festiuitatibus patronorum annuatim deuote conuenerint, adicientes eciam, quod quicumque christifideles in serotina pulsacione ob laudem, reuerenciam et honorem precelse sanctissimeque genitricis Dei Marie virginis angelicam salutacionem flexis genibus ternies deuote repecierint, de omnipotentis Dei misericordia et beatorum Petri et Pauli apostolorum, eius auctoritate confisi, quadraginta dies criminalium et octoginta venialium de jniuncta sibi penitencia misericorditer in Domino relaxamus. Datum et actum die et loco prenotatis. Anno Domini millesimo quadringentesimo quadragesimo octauo, harum testimonio litterarum, sub appensione nostri sigilli roboratarum."||
[Unterschrift des Sekretärs unter der Plica:] "Valentinus Walthe(6), Misnensis."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 318 (S 213), S. 344-345