"Wir Albrecht(1) von Gotts gnadn erczherczog ze Osterreich, ze Steyr, ze Kerndn vnd ze Crain, graue ze Tyrol etc. Bekennen fur vns vnd vnser erben vnd tun kund mit dem brief, als weilend Andre Herleinsperger(2) ain cappelln in dem marckt zu Roerbach(3) in vnserm land ob der Enns gelegen, in den eren der lobsamen kunigin junckfrawn Marie, der gepererin Gottes, vnd des heiligen ritter sand Joerigen erhebt gestifft die hernach geschriben stuck vnd guter, die von vns vnd vnserm furstentumb Osterreich ob der Enns zu lehen rurent, dartzu geben vnd gewidemt vnd die lehenschaft vnd die vogtey daran jm vnd seinen erben seins namen vor behalten hat, als der stifftbrief darumb gegangen jnnhalt. Vnd wan vns vnser getrewer Vlrich Herleinsperger(4) furbracht hat, wie ettwen vnser lieber herr vnd vetter kunig Albrecht(5) etc. loblicher gedechtnus, dieselben guter dartzu geaygent hab, vnd aber derselb brief daselbst verprunnen6 vnd von weilend auch vnserm lieben herrn vnd vettern kunig Lasslawen(7) seinem sun widerumb bestêtt vnd vernewt sey, vnd zaigt vns daruber denselben kunig Lasslas brief, diemuetigklich bitend, daz wir als landesfurste die auch zu stêttn geruchtn, das haben wir, voran Got auch seiner lieben muter vnd dem heyligen sand Jorigen zu ern, vnd durch des egenantn Herleinsperger vleissiger bete willn also getan, vnd dieselben nachgenanten guter mit allen jren zugehorungen zu der obgenanten cappelln vnd als landesfurst vnd lehenherr dieselben stifft bestêtt, vnd bestêttn auch wissentlich in craft des briefs was wir zu recht daran bestettn sullen oder mugen, jn solher mass, das ain yeder capplan derselben cappellen, wer der yetz ist oder kunftigklich wirdet, dieselben guter nw furbaser jnnehaben, nutzen vnd niessen sullen vnd mugen, sol vnd mag, als mit andern derselben cappelln gutern als lands recht ist. Wir verczeihen vns auch fur vns vnd vnser erben daran der manschaft vnd lehenschaft vngeuerlich. Vnd sind das die obgenanten stuck vnd guter: Von erst ain gut zu Chantzagl(8) in Serleinspecker pharr vnd in Veldner landgericht gelegen, vnd dient jerlich ain phund phening gelts, vier kês, sol yeder kês vier phening wert sein, vier huner, sol auch yetz vier phening wert sein, zway phund oell fur zwaintzig phening, vnd ain schot harbs. Jtem ain gut zu Grêmsrewt(9) in der obgenanten pharr vnd landgericht gelegen, vnd dient jerlich ain phund phening gelts, vier kês, sol yeder kês vier phening wert sein, vier huner, sol auch yedes vier phening wert sein, zway phund oell fur zwaintzig phening, vnd ain schot harbs. Jtem halben zehent(10) auf den gantzen marckt zu Rorbach vnd das purckrecht daselbs gelegen bey der padstubm(11) - dev weilend - des purger gewesen ist mit aller zugehorung, darauf auch ain yeder capplan, dem die vorgenant cappelln verlihen wirt, hewslich sitzen sol. Mit vrkund des briefs, geben ze Lynntz, an sand Pauls tag der becherung, nach Cristi geburde vierczehen hundert vnd jn dem newnundfunfczigisten jaren."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 368 (S 252), S. 397-398