"Sixtus(1) episcopus, seruus seruorum Dei, dilecto filio Johanni de Herzitz(2), canonico Pragensi, salutem et apostolicam benedictionem. Conquesti sunt nobis prepositus et conuentus monasterij beate Marie virginis in Plaga(3), per prepositum soliti gubernari, Premonstratensis ordinis, Patauiensis diocesis, quod abbas et conuentus monasterij Milocensis(4), dicti ordinis, Pragensis diocesis, super quibusdam litteris, etiam apostolicis, iuribus, instrumentis, munimentis et rebus alijs ad monasterium beate Marie predictum spectantibus, iniuriantur eisdem. Jdeoque discretioni tue per apostolica scripta mandamus, quatinus uocatis, qui fuerint euocandi, et auditis hinc inde propositis, quod iustum fuerit, appellatione remota decernas, faciens, quod decreueris, per censuram ecclesiasticam firmiter obseruari. Testes autem, qui fuerint nominati, si se gratia, odio uel timore subtraxerint, censura simili, appellatione cessante, compellas, ueritati testimonium perhibere. Datum Rome, apud sanctum Petrum, anno jncarnationis dominice millesimo quadringentesimo octuagesimo, kalendis februarii, pontificatus nostri anno decimo."||
||
Rechts auf der Plica: "N. de Benzis"

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 482 (S 340), S. 540