"Ich Liendl, Niklen Polstermuelner(1) saligen sun, jch Torey sein swester, vnd jch Kathrey jr mueter, des bemelten Polstermuelner gelasne witib. Enbewten dem erwirdign jn Gotte vatter vnd geistlichen herren, herrn Johannsen(2), brobste zu vnnser fraun Slag, vnnser willig dienste beuor, vnd fuegen ew zu wissenn, das wir vor ainer zeit vnnsre muel genandt dy Polstermuel(3) mit jrer rechtlichenn zuegehoerung verkaufft hetn Pangraczen von Vischpach(4); der selb kauff aber nachmaln an Wernhardtn Prandtlen(5) zu Rorbach komen ist, der selb vnns dann dy bemelt muel erberlich bezalt hat nach jnnehalt ains kaufbriefs vnnsers verzeichens darumbn ausgangen. Bitt wir ew mit sonnderm vleis, dy selb verschreibung mit eurem jnsigel ze ferttigen vnd bestatten; so jr das gethan habt, gelobn wir ew mit vnnsern trewn on aydes stat, jn eur jnsigel nymermer ze redn noch ze sprechen, sonnder das willig vmb ew zuuerdienn. Des zu vrkund gebn wir ew dy betzetel, verferttigt durich vnnser vleissign gebet willen mit der erberen weisen Michln Oeler(6) zu Dienndorf vnd Sigmunden Reytter(7), burger zu Rorbach, baider fuergedrukchten petschad, jn vnd jrn eribn on schaden. Beschehen on sonntag nach sannd Michelstag, anno etc. LXXX primo."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 487, S. 544-545