"In nomine Domini. Amen. Vniuersis et singulis presentes nostras litteras siue hoc presens publicum jnstrumentum inspecturis pariter et audituris. [Nos] Steffanus(1) permissione diuina prepositus monasterij sancti Nicolai(2) extra muros Patauie, ordinis sancti Augustini, canonicorum regularium, salutem et sinceram in Domino caritatem. Ad vniuersitatis vestre noticiam deducimus per presentes, quod honorabilis vir, dominus Leonardus Plabhard(3), professus monasterij beate Marie virginis in Plaga, Patauiensis diocesis, nuncius et in hac parte procurator venerabilis patris domini prepositi(4) eiusdem monasterij, jn notarij publici et testium jnfra scriptorum ad hoc specialiter vocatorum et rogatorum presencia, quasdam litteras in latino et in carta pergamenea conscriptas ab jnuictissimo principe et domino, domino Bladislao(5), Dei gracia Bohemie rege, Morauie marchione, Lucemburgensis et Slesie duce ac Lusacie marchione etc. eiusque sigillo rotundo appendente sigillatas et conmunitas, nobis produxit asserens illas non sine periculo ad alia loca, vbi earundem opus foret, deducere posse. Quapropter vt eas vidimaremus et in autenticam ac jnstrumentatam publicam formam redigeremus summopere postulauit. Nos itaque petitioni huiusmodi annuentes, examinatisque in presencia notarij et testium litteris predictis, jllas cum appendentibus sigillis sanas, integras, non viciatas neque in aliqua sui parte suspectas jnuenimus, jccirco [!] jpsas sic visas, jnuentas et examinatas in presentem publicam formam siue exemplum cum jpsis originalibus de verbo ad verbum concordantem siue concordans; cui vt litteris originalibus fides adhiberi poterit et debebit, redigi fecimus atque transsumi, nil addito vel diminuto, quod sensum mutet vel variet quomodolibet intellectum. Sequitur tenor litterarum regalium et est talis:||
||
,Bladislaus, Dei gracia Bohemie rex [...] anno nono.‘ [Urk 479: 5.10.1479]||
||
Subscripcio: ,Ad mandatum domini regis magister Nicolaus de Ledecz, canonicus Wyssegradensis et prothonotarius cancellarie regie.‘||
||
Jn quorum omnium et singulorum fidem et testimonium premissorum presentes nostras litteras siue hoc presens publicum vidimationis jnstrumentum exinde fieri et per notarium publicum jnfra scriptum subscribi et publicari, nostrique sigilli jussimus et fecimus appensione conmuniri. Datum et actum in monasterio nostro supra dicto sub anno a natiuitate Domini millesimo quadringentesimo nonagesimo octauo, jndictione prima, die vero Jouis octaua mensis februarij, pontificatus sanctissimi in Christo patris et domini nostri, domini Alexandri(6) diuina prouidentia pape sexti, anno eius sexto; presentibus ibidem prouidis viris domino Marco Gangl(7) presbytero Augustensis diocesis, et Bernhardo Raiacher(8), clerico Lauentinensis diocesis, testibus ad premissa vocatis, rogatis et specialiter requisitis.||
||
[NOTARIATSSIGNET] Et ego Johannes Murawer(9), clericus Salzburgensis diocesis, publicus apostolica auctoritate notarius, quia supra insertis litterarum presentacioni, recepcioni, visioni, examinacioni, auscultacioni, vidimacioni et decreto, omnibusque ||
alijs et singulis premissis, dum sic vt premittitur, per supra dictum venerabilem patrem dominum Leonardum prespyterum coram eo fierent et agerentur, vnacum prenominatis testibus presens interfui, eaque sic fieri vidi et audiui, jdeo de eiusdem domini prepositi mandato presentes litteras siue hoc presens publicum vidimacionis instrumentum manu alterius, me alijs tunc prepedito negocijs, fideliter scriptum exinde confeci, subscripsi, publicaui et in hanc publicam formam redegi, signoque et nomine meis solitis et consuetis vnacum dicti domini prepositi sigilli appensione signaui jn fidem et testimonium omnium et singulorum premissorum rogatus et requisitus."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 538 (S 380), S. 605-606