"In nomine Domini. Amen. Nos Wilhelmus Hennselman(1), per miseracione diuina abbas monasterij Vrspergensis, ordinis Premonstratensis, Augustensis dyocesis, recognoscimus et testificamus tenore presentium et volumus vniuersis et singulis, presentes litteras siue presens transumptum et publicum jnstrumentum jnspecturis, lecturis et audituris, pateat euidenter, quod venerabilis frater Andreas(2), canonicus regularis monasterij jn Plaga, ordinis Premonstratensis, Patauiensis dyocesis, procurator honorabilis et religiosi domini, domini Nicolai(3), prepositi in monasterij [!] Plagensi, habens et tenens suis manibus ternas litteras sacrosancte sinodj [Basiliensis], eius veris bullis plumbeis jn cordulis canapis more eiusdem sacrosante sinodj bullatas, sanas et jntegras, non viciatas, non cancellatas, nec in aliqua sui parte suspectas, sed omni prorsus vicio et suspecione carentes, coram nobis exhibuit atque presentauit. Quare vnius tenore de uerbo ad uerbum sequitur et est talis:||
||
,Sacrosancta generalis synodus Basiliensis [...] tricesimo quinto.‘(4). ||
||
Duplicata. Jo. Freudenberger. Jo. de Dyck.||
||
Alterius vero bulle tenor sequitur et est talis:||
||
,Sacrosancta generalis synodus Basiliensis [...] tricesimo quarto.‘(5) ||
||
Duplicata. A. Kempenich.||
||
Tertia vero bulle tenor sequitur et est talis:||
||
,Sacrosancta generalis synodus Basiliensis [...] tricesimo quarto.‘(6) ||
||
Duplicata. Jo. Gaufridi.||
||
Exhibita et ostensa necnon prescripta priuilegia uti habeant pro iure dicti monasterij defendendo et originalia propter plurima discrimina et pericula viarum vbique transmittere seu portare non valerent et obinde ne probacionis copia sibi deficerent, si originalia aliquo periculo uel causu [!] fortuito amitterentur cum jnstancia supplicantum extitit, quatinus dicta priuilegia de uerbo ad uerbum fideliter transsumi, exemplari et sigilli nostri appensione conmuniri fecimus. Quibus sic exhibitis, ostensis et petitis, nos dicta priuilegia nobis ut premittitur ostensa et exhibita in singulis partibus in cartis, scripturis, sigillis et cordulis perspeximus. Que cum non abolita, non abrasa, non cancellata, sed sana, integra et omni suspicioni carencia inuenimus, per fidelem notarium publicum jnfra scriptum transsumi et exemplari ordinauimus, et presencia transsumpta seu exemplaria ad dicta originalia collacionauimus. Et quia diligenti collacioni facta de transsumptis ad originalia invenimus, presencia transsumpta et exemplaria cum ipsis originalibus in omnibus et per omnia ac penitus de uerbo ad uerbum concordare. Jdeo presencia exemplaria seu transsumpta sigilli nostre abbacie appensione fecimus conmuniri. Datum jn monasterio Vrspergensi, anno a natiuitate Domini millesimo quingentesimo nono, indictione duodecima, die vero tricesimo mensisque junij, sub jnllustrissimo et jnvictissimo domino, domino nostro Maximiliano(7) jmperatore, sue regiminis anno primo."||
||
[NOTARIATSSIGNET] "Et ego Jacobus Kylenstain(8) de Eichstetten, laycus Augustensis diocesis, publicus sacra jmperiali auctoritate notarius juratus, quia predictarum litterarum originalium exhibicioni, presentacioni, recepcioni, collacioni et decretis interposicioni, omnibusque alijs et singulis, dum sic ut premittitur, agerentur et fierent, vnacum nominatis testibus venerabilibus et discretis viris Martina(9) pastoris de Marchtal, et Georio Leupolt(10) de Babenhaussen Augustensis diocesis presbyteris, presens interfui, eaque omnia [et] singula sic fieri vidi et audiui. Idcirco presens publicum jnstrumentum seu transsumptum aut copiam siue fidimus, manu mea propria scriptum, exinde confeci, subscripsi et in hanc publicam formam redegi, signoque et nomine meis solitis et consuetis, vnacum prefati reuerendi patris domini, domini Wilhelmi, abbatis Vrspergensis, sigilli appensione signaui, jn fidem et testimonium omnium et singulorum predictorum rogatus et requisitus."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 565 (S 402), S. 637-639