"Udalricus Wager(1), in decretis licenciatus, canonicus et officialis Patauiensis, vniuersis et singulis, presentes nostras vidimus seu transumpti litteras visuris, lecturis pariter et audituris, salutem in Domino. Noueritis quod nos ad jnstanciam et peticionem venerabilis necnon in Cristo dilectorum, dominj Nicolai(2) prepositi ac conuentus monasterij beate Marie virginis in Plagensis ordinis sancti Augustinj canonicorum regularium, Patauiensis diocesis, quasdam litteras in pergameno conscriptas et certo sigillo roboratas, in manus nostras recepimus et in illis tenuimus, contrectauimus, vidimus et legimus ac diligenter inspeximus, jllasque tam in membranis quam sigillo et scriptura sanas, jntegras et jllesas, in nulla sui parte suspectas, sed omni vicio carentes reperimus. Jdcirco easdem litteras per notarium juratum infra scriptum transsumi, exemplari et vidimarj, ac in hanc publicam formam redigi mandauimus, volentes et auctoritate nostra, qua fungimur in hac parte decernentes, quatenus huiusmodi transsumpto publico tam in judicio quam extra ac vbicumque locorum de cetero detur et adhibeatur tanta fides, quanta ipsis originalibus litteris inferius de verbo ad verbum insertis et registratis, debiteque et diligenter collacionatis data fuit et daretur, si in judicio aut alias producerentur, auctoritatem ordinariam in hoc interponentes. Tenor vero litterarum de verbo ad verbum sequitur et est talis:||
||
,In nomine [...] Ego Budivoy et Berchta [...] Mo CCo LXo IIIIo.‘ [Urk 19: 1264]||
||
Jn quorum omnium et singulorum fidem et testimonium premissorum presentes nostras litteras, hoc presens publicum transsumptum in se continentes, exinde fieri et per notarium publicum post diligentem collationem et auscultacionem debite factas subscribi et publicari, officialatusque sigilli iussimus et fecimus appensione conmuniri. Datum et actum in ciuitate Patauiensi, in curia nostre solite residencie, sub anno a natiuitate Dominj millesimo quingentesimo decimo quinto, die vero mercurij vndecima mensis septembris(3), presentibus ibidem prouidis et discretis viris, magistro Leonhardo Robelt(4), causarum consistorij curie Patauiensis procuratore et Sebastiano Sangckherr(5), laico Frisingensis diocesis, testibus in premissis vocatis et requisitis."||
||
[NOTARIATSSIGNET] "Et ego Vitus Schütz(6) clericus Ratisponensis diocesis sacra apostolica et jmperiali auctoritatibus publicus ac curie et officialatus Patauiensis notarius juratus, quia dictarum litterarum originalium exhibicioni, lectioni, contrectacioni et auscultacioni earundem, dum sic vt premittitur, per prefatum dominum officialem fierent, interfui et vnacum testibus superscriptis vidi, jdeo hoc presens publicum transsumptum manu mea propria scriptum exinde confeci, et in hanc publicam formam redegj, signoque et nominibus meis solitis et consuetis signaui in fidem et testimonium omnium et singulorum premissorum rogatus et specialiter requisitus."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 570 (S 406), S. 643-644