"Vermerckht die stückh, güllt vnd güter, so wir Johanns graue zu Hardegg, zu Glacz vnd jm Machlanndt etc. dem erwirdigen herrn, herrn Sigmunden brobste, Johans prioren vnd gannczen conuennt vnd allen jren nachkomen des closter vnnser lieben frauen Slag verkauft haben laut aines kaufbriefs, von vnns ausganngen. Welh stuckh, gullt vnd güter wir von namen zu namen in dises register veruasst vnd eingeleibt haben. - Erstlich den walld zum Claffer, welher walld anstösst an die hernach benannten vischwasser, dieselben berürten walld mit jren wasserleuffen vnd vrsprüngen, rainen vnd ausmarhen, wie yczt anczaigt wirdet: Nemlichen facht sich an am berürten wald der Klafferpach, der wend nach lenns ab bis in die Mühel, vnd schaid vnnser yczt verkaufft grunt vnd des closster zum Slegel grunt voneinannder, vnd von der Mühel auf bis an den Gegenpach. Dieselb Mühel haben wir halbe zeuischen bis an den Gegenpach. Vnd auf der annderen seytten hat die Mühel vorgemeltes closster zuuischen bis an den Finsterpach. Vnd vom Vinsterpach haben die von Wegschaid zeuischen bis in Gegenpach. Darnach geet der Gegenpach auf nach dem walld bis an den Pleckenstain auf alle höch, den haben wir halben zeuischen, vnd den annderen halben tail die herrschafft zum Rannarigel. Vnd von gemellter höch get das march widerumb bis in das Puechat vnd egemellten Klafferpach; was nun solher walld ertregt vorstgellt oder annderes, ist alles mit seiner zuegehörung vnd nutzungen verkaufft."||
||
[Urbar abgedruckt im Heimatbuch Klaffer (1996) 47f.]||
||
"Solich vrbar register der hierjnn beschriben stückh, güllt vnd güter haben wir, vorgmellter graf Johanns, graf zu Hardegg etc. den vorbestimbten brobst, prior vnd conuennt des clossters vnnser lieben frauen Slag vnnder vnnserem aigen anhanngundem jnnsigel veruerttigt, anheut montag nach dem sonntag Jnuocauit der heyligen vassten, des fünffzehen hundertisten vnd zwaivndzwainczigisten jare vbergeanntwort."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 577 (S 413), S. 651-652