In nomine sancte et indiuidue trinitatis Leupoldus dei gratia dux Austrie et Stirie uniuersis fidelibus salutem ia perpetuum. Pia et salubris est intentio, qua quisque ad seruiendam deo mouetur et ad bene agendum intentam habet uoluntatem. Que quidem uoluntas in leuioribus personis et hiis, quibus rerum non suppetit facultas, sufficit et est meritoria, quippe cum uoluntas pro facto reputetur. In magnatibus uero et uniuersis, quibus copia rerum et auctoritas agendi quidlibet amminiculantur, hec eadem laudabilior est et maiorem habet efficaciam, cum ipsi hoc, quod per bonam uolontatem concipiunt in mente, ad exsequendum in opere habeant facultatem. Nobis igitur uniuersisque principibus, quibus plus est commissum, ut et plus a nobis exigatur, expedit, ut bonam uoluntatem et opera caritatis habundantius quam ceteri ad uniuersos extendamus, maxime tamen ad religiosos et monastice professionis uiros, quos secularia negotia postponentes, ad obsequia diuina et cultum religionis obseruandum propensiori cura et beniuolentia fouere debemus et amplecti. Pietatem itaque antecessorum nostrorum, quam circa ecclesias aecurata sollicitudine iugiter intendere consueueruat, imitari cupientes, uniuersas ecclesias precipue tamen eas, quarum fundatores ipsi exstiterunt, pro posse manutenere et promouere intendimus, et si non plura eis conferendo, saltim ab antecessoribus nostris et aliis ipsis collata, patrocinatus nostri defensione eisdem conseruando. Cum autem beate memorie auus noster dux Heinricus exules quosdam et simplices, scotos uidelicet, maxime pietatis affectu collegisset, wienne in predio suo libere fundationis iure eos collocauit, monasterium ibidem in honore beate ac gloriose dei genitricis Marie et beati Gregorii eisdem construendo, et redditus ad subsidium illic deo famulantibus benigna deuotione donauit, quos in presenti pagina exprimi iussimus. Duas parochias Pulca uidelicet et Echendorf cum attinentibus, et cappellas wiennenses cappellam beati Petri et cappellam beate Marie et cappellam beati Ro^vperti, et in Chremese cappellam beati Stephani, in Tulne cappellam sancte crucis et unam (sic) mansum, cappellam beati Colomanni in Lovpe. In Wirochperge XII mansus cum attinentibus. In Ebersdorf XII mansus et unum dominicale. In Ladendorf XVI m. cum attinentibus. In Hipplinsdorf XVIIII m. cum attinentibus. In Grihtsansteten curiam uillicariam cum attinentibus. In Ruspach curiam uillicariam et unam mansum cum attinentibus. In Erpurch iuxta Falchenstein VIIII m. cum attinentibus. In Fuldramsdorf V m. In Swechent II m. In Wolfpaizzingen man. In Hovmat V m. Insuper redditus, quos alii fideles diuine retributionis intuitu eidem cenobio contulerunt. In Enceinsdorf XI mans. et ecclesiam et molendinum cum aliis attinentibus. In Gauristenne II mans. In Imzinsdorf mansum et dimidiam. In Sconenpuhel I mansum. In Diersdorf II m. In Nandinsdorff m. In Uelce II m. In Liucenloch II m. In Chirhaim IIII m. et ecclesiam. In Grauendorf II m. In Dietrichsdorf II m. cum attinentibus. In Stallarn IIII m. In Prunnen II m. In Preitenuelde II m. In Preitenle I m. In Malesdorf I m. In Ro^opperthesdorf I m. In Scirneinsdorf II m. In Wolfmanesdorf I m. In Heimburc III arcas. Quoniam autem redictorum fratrum simplicitas antecessorum nostrorum secura presidio, a prima fundatione redditus sibi collatos sub forma priuilegii in scriptum redigere neglexit, quamuis etiam in omnibus, quamdiu uixerimus, nostro securi possint esse potrocinio tamen, ne post decessum nostrum heredumque nostrorum, siquos per dei gratiam sumus habituri, aliqua calumpniacionis occasione uexari possint uel inquietari, omnia, que a pluribus quam XL annis a parentibus nostris et ab aliis collata in pace possederunt, eis presentis pagine indicio sigillique nostri inpressione subscriptioneque testium, quorum nomina sunt hec, confirmamus. De ordine comitum. Comes Fridericus de Zolre. Comes Chu^onradus de Hardeke. Dominus V^odalricus de Perneke. De ordine liberorum. Dominus Werenhardus de Scowenberc. Dominus Crapto de Amzinspach. Dominus Chu^onradus de Valchenberc. De ordine ministerialium. Wichardus dapifer. V^odalricus Struno. Marquardus de Hintperc. Pilgrimus de Swarcenowe. Hugo de Eigen. Heinricus de Rotenstein. Rudolfus Mace et frater eius Chunradus9 et alii multi. Datum apud Heimburc per manus V^odalrici notarii presente domino Tittone plebano de Heimburc et domino Cho^vnrado capellano. Anno incarnationis domini M^o. CC^o. - III^o. kalendas Martii. Indictione III^a.

Source Fulltext: HAUSWIRTH, Schotten (=FRA II/18, 1859) S. 15-16