Sciat presens etas et postera, quod ego Marchus abbas et conuentus scotorum in Wienna consensimus, quod Hyldprandus filius Haspelarii dimidium mansum, quod a nobis possedit in Eincinstorf, cum omni iure, quod in eo habuit, concederet Cvnrado rufo consobrino suo, eo pacto, quod idem Conradus uel alter de posteritate sua qui possessionem illam tenuerit, de ipso manso in festo sancti Michaelis soluat celerario ecclesie nostre sexaginta denarios annuatim. Quod si forte ipse uel aliquis de posteritate sua, qui predictum mansum possederit, pretaxatam pecuniam prenotato termino soluere neglexerit, in sequenti die soluet dimidium talentum celerario sepedicto. Quod si adhuc in solucione illius dimidii talenti XIIIIcim diebus negligens extiterit, memoratus mansus libere nullo contradicente ad nostram totaliter ecclesiam deuoluetur. Adiunximus etiam, ne idem Conradus uel aliquis de sua posteritate sepedictum mansum sine nostro assensu uendere uel inpignorare seu alio quocunque modo alienare ullatenus audeat aut presumat, sed si forte uendere aut inpignorare uoluerit, hoc non fiat, nisi ex nostro consensu et libera uoluntate, ita tamen, quod emptor soluat celerario predicto sexaginta denarios et uenditor similiter LX. Adiecimus insuper cum consensu et bona uoluntate predicti C., quod, si ille uel aliquis suorum nos seu aliquem de nostris uerbo, facto siue consilio leserit, uel aliquod malum qualitercunque contra nos machinatus fuerit et illud probari poterit, cadet ab omni iure, quod in manso possidet sepedicto. Quod si idem Conradus sine liberis decesserit, predictus mansus integraliter ad nostrum monasterium reuertetur. Vt autem hec in perpetuum rata permaneant et inconuulsa, duplicem paginam presentem uidelicet et alteram huic similem, quarum unam ipse habeat, et nos alteram, sigillo nostre communitatis et ad petitionem predicti C. sigillo domini Dietrici, tunc temporis aduocati nostri, fecimus communiri. Acta sunt hec anno domini M^o. CC^o. XX^oVII. coram testibus subnotatis, videlicet domino abbate et toto conuentu. Gwidone milite. Conrado sweuo. Diepoldo de Alse. Dietrico filio Pittrolfi. Jacobo filio Gwidonis. Conrado Werd et fratribus eius Dietrico et Haimone. Molisio. Rudegero scriba. Hermanno seruo ecclesie. Dietrico paruo. Artnido. Conrado Svetvtte. Heinrico Haspelere. Heinrico milite de Eincinstorf. Ottone milite et Ottone iuuene filio eius. Pertoldo plebano de Eincinstorf. Livpoldo. Cvnrado de Cheibinge. Alberto Waltrich. Item Waltrich Eberwino. Meinhardo. Eckardo.

Source Fulltext: HAUSWIRTH, Schotten (=FRA II/18, 1859) S. 31-32