Sanctissimo patri ac domino Innocentio, sacrosancte Romane ecclesie summe sedis summo pontifici, dei gratia abbas Medlicensis ordinis sancti Benedicti et prepositus Nivvenburgensis ordinis sancti Augustini Patauiensis dyocesis deuota pedum oscula beatorum. Sanctitati vestre dignum duximus significare, quod nos transscriptum privilegii Scotorum monasterii sancte Marie in Wienna, ipsis a sede apostolica concessi, sub sigillo domini Cv^onradi prepositi sancti Gwidonis in Spyra, per Austriam et Styriam tunc vicelegati, vidimus et attrectauimus, sic continens. (Folgt die unmittelbar vorher abgedruckte Urkunde des päpstlichen Legaten Konrad.) Quoniam igitur idem abbas et conuentus priuilegium ipsis a sede apostolica concessum cupiunt sibi de uestra gratia renouari et nos certos reddiderunt per iuramentum, quod per quendam fratrem de ipsorum collegio ammiserunt priuilegium memoratum, litteram testimonialem domini Cv^onradi tunc vicelegati, qui ipsum vidit manibusque attrectauit, in presentem scedulam transferre ac uestre paternitati duximus presentare sigillorum nostrorum presentium appensione. Datum Wienne indictione xij anno domini M^o CC. L. iij^o.

Source Fulltext: HAUSWIRTH, Schotten (=FRA II/18, 1859) S. 42-43