Ich Chvnrat der briester, bei den zeiten maister der Bvrger Spital ze Wienne, unt ich Levpolt an den Chinmarchet hern Herbortes svn weilent von Sant Pelten, bei den zeiten verweser desselben Spitales, wir vergehen unt tven chvnt allen den, die diesen brief lesent vnt hoerent lesen, die nv lebent vnd hernach chvnftich sint, daz her Helnweich der briester, der Pharer von Weymarsvelde, drev phvnt geltes gechavffet hat avf einen Weingarten, der ist gelegen innerhalb der Wienne hinder der bvrger Spital, datze fro^on Geiseln hern Travtmans tohter vor Cherner pvritor, unt habent dar zv allev irev chint ir gvnst unt ir willen gegeben an einen svn, der haizzet Otte, der was die weil iner landes niht. Fver desselben svnes ansprach hat dev vorbenant fro^owe fro^o Geisel unt irev chint rehten scherrn gelobt, wan si sein vor rehter ehafter not niht versparn mohte, si mvest denselben gelt verchavffen. Vnt hat avch der vorbenant briester her Helnweich gelobt der vorgenanten frowen fro^on Geiseln unt ir chinden, swanne daz ist, daz si oder irev chint denselben vorbenanten gelt wider loesen wellent, so sol er in den ze loesen geben reht als er in daze in gechavffet hat, ain phunt geltes umb aht phunt, unt dev andern zwai phunt um ahtzehn phunt. Wier beschaiden avch daz, daz man ain phunt dienen sol ze Weihnahten vnt daz ander an sant Jorgen tag und daz dritte ze sant Mychhels messe. Daz diesev rede unt diser chavf also stete sei unt vestichait hab vnt vnverwandelt beleibe, darvber habe wir dem vorbenannten hern Helnweigen gegeben unt auch seinen shwestem diesen brief zu einem vrchvnde vnd zu einem gezevge dieser sache, vnt haben in den bestetiget versigelten mit des vorbenanten spitales insigel unt avch mit der bvrger Insigel ze Wienne. Des sint gezevge her Greiffe hern Otten svn, her Haym vnd sin brveder her Otte, her Chvnrat der hvebmaister, daz sint ritter, her Chvnrat der Polle bvrgermaister, her Paltram der vatz, her Chvnrat der Hesner unt die andern bvrger, die do des rates warn, unt darzv diese beschaiden levte, die do umb daz Spital gesessen warn, daz ist der vinch, der Herscheftel unt der Frevnt und ander frvm levte genvege. Diser brief ist gegeben ze Wienne, do von Christes gebvert warn Tausent zwai hundert iar unt in dem siebenten unt neunzigistem iar an vnser frowen abent ze der Liehtmesse.

Source Fulltext: HAUSWIRTH, Schotten (=FRA II/18, 1859) S. 93-94