Johannes de Senging decanus ecclesie Patauiensis, executor seu commissarius vnicus in infrascripto negocio a sede apostolica specialiter deputatus, vniuersis et singulis, ad quos presentes nostre littere peruenerint, salutem in domino sempiternam. Litteras sanctissimi in Christo patris et domini nostri domini Bonifacii diuina prouidencia pape noni more romane curie bullatas, sanas et integras, omni suspicione carentes nobis coram notario et testibus infrascriptis presentatas Nos cum ea, qua decuit, reuerencia noueritis recepisse, tenorem, qui sequitur, continentes. (Folgt die p. 445 Nr. CCCLXVIII abgedruckte Bulle des Papstes Bonifaz IX. ddo. Rom 19. April 1396.) Post quarum quidem litterarum apostolicarum presentacionem et recepcionem fuimus pro parte nobilis viri domini Johannis comitis in Hardekk Patauiensis dyocesis humiliter requisiti, quod, cum idem comes pro sue suorumque progenitorum animarum salute de bonis sibi a deo collatis in quodam opido suo, vulgariter vocato in Pulka, dicte dyoc. in fundo proprio et loco ad hoc congruo et honesto vnam cappellam opere sollempni inchoatam in honore et sub vocabulo corporis domini nostri Jesu Christi absque preiudicio matricis ecclesie fundare et construi facere, ac pro nonnullis perpetuis cappellanis inibi domino perpetuo seruituris sufficienter dotare proponat, quatinus fundandi, perficiendi et construi faciendi huiusmodi cappellam illamque, ut prefertur, dotandi ac huiusmodi perpetuos cappellanos ad eam presentandi licenciam et facultatem eidem domino comiti concedere, sibique et successoribus suis jus patronatus seu presentandi ad ipsam cappellam imperpetuum auctoritate apostolica reseruare dignaremur iuxta predictarum litterarum apostolicarum nobis, ut prefertur, directarum continenciam et tenorem. Nos igitur Johannes, executor et commissarius prefatus, volentes mandatum apostolicum nobis in hac parte directum reuerenter exequi, ut tenemur, quia prehabita per nos sufficienti informacione reperimus, contenta in predictis litteris apostolicis ueritate fulciri, ac eciam attendentes, quod dictus dominus comes paratus erat, dicte cappelle construende pro vno aut pluribus perpetuis cappellanis ibidem instituendis dotem assignare sufficientem, vnde poterunt congrue sustentari et alia eis incumbencia onera supportare, prout eciam pro tunc ibidem pro vno cappellano perpetuo assignauit domum prope cappellam de nouo constructam, que confrontatur ab vno latere versus orientem cum domo Johannis dicti Pergario, et ab alio latere versus occidentem cum domo Johannis dicti Lempler, ciuium ibidem, duo horrea retro domum Michaelis dicti Chuttner, vineis infrascriptis, sex quartalia sita in districtu opidi Pulka in monte dicto bei der Lantstrazz, duo quartalia vinee dicta auf der Würleyten, duo quartalia vinee in monte dicto Rigel, duo quartalia uinee in monte dicto Holczpewnt, item duo quartalia vinee in Chueperg, item duo quartalia vinee retro ecclesiam parrochialem in Pulka, tria quartalia vinee in monte Newstifft, item duo quartalia vinee dicta Liechtschirb, item quinque jugera agrorum et duo pomeria ibidem in Pulka sita. Omnia ista bona ad ipsum dominum comitem pleno iure spectancia cum vniuersis et singulis iuribus et pertiuenciis atque emolumentis suis, pascuis, pratis, siluis, buscetis et nemoribus, viis, itineribus, uccessibus et exilibus, aquis, piscinis et aliis accessionibus et appendiciis suis pro dote siue dotacione huiusmodi cappelle deputauit et deputat, atque eidem cappelle bona et possessiones huiusmodi jure proprio irnperpetuum habenda, tenenda et possidenda donacione firma et irreuocabili inter viuos sponte et libere ac pure propter deum donauit et appropriauit ac donat et appropriat et in ipsam cappellam transtulit eciam per presentes, ipsaque bona sic donata ab omni onere, seruitute, condicione et obligacione perpetua et temporali liberauit et liberat hoc excepto, quod quilibet cappellanus, qui pro tempore fuerit, prefato domino comiti et suis posteris in signum dominii et donacionis ac jure emphiteatico in futurum singulis annis de quolibet quartali vinearum soluere teneatur septem denarios et vnum obulum monete denariorum Wiennensium, et de agris septuaginta quatuor denarios dicte monete, et similiter abbati Jeracensi singulis annis de prefatis duobus pomeriis octuaginta quatuor denarios monete predicte. De quibus quidem bonis taliter, ut premittitur, assignatis iuxta communem estimacionem huiusmodi cappellanus, pro tempore ibidem instituendus, congruam habere poterit sustentacionem, prout eciam fuimus de hoc fide dignorum testimonio sufficienter informati. Quapropter auctoritate apostolica, qua fungimur in hac parte, dicto domino comiti huiusmodi cappellam fundandi, perficiendi et construi faciendi liberam concedimus tenore presencium facultatem, atque jus patronatus huiusmodi capelle et presentandi ad eam, postquam sic, ut prefertur, constructa fuerit et fundata, eidem comiti et heredibus et successoribus suis eadem auctoritate imperpetuum reseruamus, jure tamen parrochialis ecclesie et cuiuslibet alterius in omnibus semper saluo. In quorum omnium testimonium presentem nostrum processum per notarium publicum infrascriptum publicari nostrique sigilli appensione iussimus communiri. Datum et actum in monasterio sancti Floriani ad sanctum Florianum in domo dicta Prvnnhewsl Patauiensis dyocesis sub anno domini millessimo trecentesimo nonagesimo septimo, indiccione quinta, die vero quartadecima mensis Februarii, pontificatus predicti domini nostri sanctissimi domini Bonifacii pape noni anno octauo, presentibus honorabilibus et circumspectis viris et dominis Jodoco Pernhartslager celerario dicti monasterii, Benczeslao Thim in Lösperg, Nicolao Wildhabner in Ansuelden et Chrisogono in Waldchirchen, ecclesiarum parrochialium rectoribus, et pluribus aliis fide dignis testibus, ad premissa vocatis pariter et rogatis.||
||
||
Signum||
Notarii.||
||
Et ego Martinus Chunradi de Villula clericus Patauiensis diocecis, publicus imperiali auctoritate notarius, predictarum litterarum apostolicarum presentacioni, recepcioni, requisicioni, informacioni, imo omnibus aliis et singulis suprascriptis, dum sic, ut premittitur, per prefatum dominum decanum fierent et agerentur, vna cum prenominatis testibus presens interfui atque sic fieri vidi et audiuii, et de mandato ipsius in publicam formam redegi, per alium fidelem scribere feci, hic me manu mea propria subscripsi signoque et nomine meis solitis et consuetis signaui, rogatus et requisitus in fidem et testimonium omnium premissorum.

Source Fulltext: HAUSWIRTH, Schotten (=FRA II/18, 1859) S. 450-453