Wir Wilhalm von gotes gnaden Herczog ze Osterreich, ze Steyr, ze Kernden vnd ze Krain, Graf se Tyrol etc. Bechennen, als vnser getrewr Hanns Radewnel vnser Diener von vnsern getrewn Ruodolffen vnd Ludweigen von Tyrna das Holcz gelegen zu Sant Veit in der Penczenaw vnd ain wisen gelegen ze Aichaw genant die Slüsslerinn mit aller zu^ogeho^erung gekauft hat, als die kaufbrief lautent, die er daruber von in hat, also haben wir durch fleizziger pete willen der obgenanten von Tyrna zu demselben kauff vnsern gunst vnd willen gegeben, geben vnd bestetten den auch wissentlich mit den brief. Mit Vrkund dicz briefs. Geben ze Wienn an Eritag vor vnser frawn tag der Schidung, nach Cristi gepurd Drewczehenhundert Jar darnach in dem Acht vnd Newnczigisten Jare.

Source Fulltext: HAUSWIRTH, Schotten (=FRA II/18, 1859) S. 463