Bonifatius episcopus seruus seruorum dei. Dilecto filio Johanni abbati monasterii in Pomgartenberg cisterciensis ordinis Patauiensis diocesis salutem et apostolicam benedictionem. Sincere deuotionis affectus, quem ad nos et romanam geris ecclesiam, promeretur, ut petitionibus tuis, quantum cum deo possumus, fauorabiliter annuamus. Hinc est, quod nos tuis in hac parte supplicationibus inclinati tibi ac successoribus tuis abbatibus tui monasterii, qui erunt pro tempore, qnod parrochialem (is) ecclesiam (e) sancti Egidii in Gunpendorf extra muros Wiennenses Patauiensis diocesis, que de iuribus etpertinentiis abbatialis mense dicti monasterii, ut asseris, existit, quam abbas existens pro tempore et dilecti filii conuentus dicti monasterii canonice tenent, in usus eorum, et que per monachos dicti monasterii gubernari hactenus consueuit seu regitur, modernum rectorem siue perpetuum vicarium, etiamsi ad ipsam ecclesiam uel perpetuam vicariam ipsius loci ordinarii per abbatem, pro tempore existentem, et conuentum predictos coniunctim aut diuisim presentatum et inibi in rectorem siue perpetuum vicarium institutus fuerit, quotiens tibi uel eisdem successoribus expedire uidebitur, ad claustrum dicti monasterii reuocare utque etiam dicti successores ipsam ecclesiam aut vicariam deinceps per alios ydoneos monachos dicti monasterii ad tuum et eorundem successorum solum nutum ponendos et amouendos pro tempore regi facere perpetuo libere et licite ualeatis, ad hoc ipsorum ordinariorurn uel aliorum quorumlibet consensu minime requisito, auctoritate apostolica concedimus per presentes, constitutionibus apostolicis nec non statutis et consuetudinibus monasterii predicti nec non cisterciensis ordinis, cuius professor existis, iuramento, confirmatione apostolica uel quacumque firmitate alia roboratis, et aliis contrariis non obstantibus quibuscunque. Et etiam huiusmodi indulto nostro per quascunque ordinationes, reuocationes uel cassationes generales, sub quibuscunque uerborum forma seu tenore per nos siue successores nostros romanos pontifices forsari faciendas nolumus in aliquo derogari, nisi de illo fieret de uerbo ad uerbum in eisdem ordinationibus, reuocationibus uel cassationibus mentio spetialis. Nos insuper ex nunc irritum decernimus et inane, si secus super hiis a quoquam quauis auctoritate scienter uel ignoranter contigerit attemptari. Nulli ergo omnino hominum liceat, hanc paginam nostre concessionis, uoluntatis et constitutionis infringere uel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se nouerit incursuuam. Datum Rome apud sanctum Petrum XVII. kl. Februarii, pontificatus nostri anno vndecimo.

Source Fulltext: HAUSWIRTH, Schotten (=FRA II/18, 1859) S. 472-473