Wir Toman, von gotesgenaden zu den zeyten Abbt des Gotshaws vnser frawn dacz den Schotten ze Wienn, vnd wir der Conuent gemayn daselbs Bechennen vnd tun chunt offenleich mit dem brief, das zu vns komen ist der erber Hanns der Rewter vnd pat vns vleizzigkleich, das wir vrsern willen vnd gunst geben zu ainer Ewigen messe ze Missingdorff, die er stifften vnd widmen wollt in seinem haws doselbs, haben wir angesechen sein fleizzig pet vnd haben vnsern willen vnd gunst darczu gegeben für vns vnd vnser Nachkomen wissentleich mit kraft diczs briefs, doch an des vorgenanten vnsers Gotshawses dacz den Schotten ze Wienn vnd vnser pharrkirichen ze Pulka an schaden vngeuerleich. Vnd ze vrchund geben wir für vns vnd vnser Nachkomen dem egenanten Hannsen dem Rewter den brief versigilten mit vnsers obgenanten Tomans vnd des Conuents gemayn des vorgenanten Gotshawss dacz den Schotten ze Wienn payden angehangen Insigiln. Der brief ist geben ze Wienn nach Kristes gepürd vierczehenhundert Jar darnach in dem fünften Jar, des nechsten Freytags vor sand Antonytag.

Source Fulltext: HAUSWIRTH, Schotten (=FRA II/18, 1859) S. 490