In nomine sancte et indiuidue Trinitatis. Manegoldus dei gratia Patauiensis episcopus. in perpetuum. Quoniam memoria hominum labilis est nec turbe rerum sufficit. necesse est facta mortalium autentica. que sub controuersia agitata fine legitimo sunt decisa. certis apicibus annotari. Perinde nouerint uniuersi. tam posteri quam moderni. quod cum contentio uersaretur inter Patauiensem ecclesiam et Sytanstetensem de terminis bonorum illorum in Gluzze. que dominus Wichmannus bone memorie quondam Maigdeburgiensis archiepiscopus utrique ecclesie pro remedio anime sue contradidit. sub hoc tenore est legitime decisa. Nos siquidem communicato consilio chori et ministerialium destinauimus discretos uiros. Ulricum custodem Patauien. et Heinricum de Lonstorf dapiferum nostrum. et Pilgrimum. Sifridum. Conradum. castellanos nostros in Gluzze. et Raffoldum de Ebelsperch. eis districtius iniungentes. ut perspectis limitibus. super quibus lis agebatur et discretis. ad cauendam indempnitatem utrique ecclesie suana apponerent sollicitudinem diligenter. Qui aggressi partes illas et locis diligentissime notatis. mediantibus hominibus utriusque ecclesie. quorum nomina subscripta sunt. uidelicet Alrammo de Prantstet. Potone de Wiztrahe. Gotscalco et Dietmaro fratribus predicti Alrammi de Prantstet. Ottone filio Pilgrimi de Gluzze. Rudolfo de Peirperge, Rudgero forestario. Heinrico Schriman. Hartmanno uillico. Hiltprando et Ottone fratre suo Liutoldo de Ugenbach. Perone de Pinzze. Rudgero et patre suo Sifrido de S. Petro. Rudolfo precone. Heinrico Hofman et fratribus suis Rudgero et Sifrido. Heinrico gawaeder. Perone de Walde et fratre suo Rudolfo. Heinrico Schelgrans. Dietrico de Sperchensteten et fratre suo Ottone. Ottone de haedrichspach. Rudperto de Gluzze et fratre suo Ekkeperto. deprenderunt ipsos terminos secundum tenorem subscriptum rationabiliter limitandos. Ab ortu uidelicet ripe maioris valchenbrunne usque ad ortum minoris valchenbrunne. Deinde in ualle harum riparum sursum usque ad colliculum quendam situm inter valchenbrunne et Swaerzzenbach. et inde usque in fluuium Swaerzzenbach. ab eodem colliculo directe retro montem. qui dictur Gaizsuzze. et ab inde usque in flumen Ibisam. et ab Ibisa inferius usque Ibisizgimunde. Bona ecclesie in Sytansteten sub hiis terminis conprehenduntur. Notandum etiam. quod bona sub dictis terminis posita cum foresto dicte ecclesie Sytanstetensi libera ab omni controuersia attinent absolute, eo uidelicet modo, quod nullus aliquid de ipsis sibi aut donationis aut infeodationis titulo uendicabit. Preterea sciendum. quod cum nobis et illis esset communis contentio super quinque mansis suis in loco. qui dicitur Arciberch. sytanstetensis ecclesia cessit liti in ipsis. ecclesie nostre iure proprietatis in perpetuum possidendis. pro eo. quod promisimus. predictos terminos protendi in Swaerzzenbach libere sine lite. Vt autem hec distinctio terminorum rata et inconuulsa permaneat eam dignum duximus presenti pagina sigillo nostro appenso et subscripto testimonio communire. Huius rei testes sunt. Chalhocus. Chunradus maior plebanus Vlricus custos. magister Marquardus. canonici. Christanus notarius. Heinricus de Wilheimen Anshalmus. Perchtoldus plebanus de Almesuelde. Heinricus plebanus de Zwentendorf cappellani. Chunradus scriba. Hartnidus plebanus de Nivnkirchen. Alrammus. Gotscakus clerici. Heinricus de Lonsdorf. Mangoldus de Schonenbuhel. Ortolfus de Tegenbach. Liutoldus de Sauerstet. Otto de Heichenbach. Chunradus de Slechdorf. Vlricus Magran. Rudolfus de Chremsdorf. Heinricus de Mystelbach. Pilgrimus et Sifridus de Gluzze. Heinricus de Pockesrukke. Dietmarus de Porsenbrunne. Ernestus de Prunne. Engelscalcus de Vispach. Einwicus. Perchtoldus de Hartheimen. Rudgerus pincerna Meinhardus de Alhartingen. Gundaforus chreier. Pruno de Zierberch. Rudolfus amannus de Amstet. Herbordus de Steten, ministeriales. Cholo de Grizpach. Friedericus de Perin. liberi. et alii quam plures. Acta sunt hec anno dominice incarnationis M°. CC°. X°. Indictione XIII^a. kal. julii. Anno pontificatus nostri V°, Regnante Ottone IIII°. Rom. imperatore et semper Augusto. anno imperii sui primo. Acta sunt autem in castro nostro Ebelsperch. Adnectimus autem in fine huius priuilegii. quod in talibus annecti solet. quod si quis contra hanc paginam uenire uoluerit. iram omnipotentis dei incurret. et de sacratissimo sanguine domini alienus. indissolubili uinculo anathematis nisi digna satisfactione penituerit. se debite sentiet innodari. Quod autem superius omissum est. hic subiungitur. uidelicet quod homines patauiensis ecclesie habebunt in foresto sytanstetensis ecclesie liberam excisionem lignorum. que necessaria habebunt in hubis nostris tributariis ad edificandum et comburendum. nullatenus autem ad uendendum. excepta ea parte nemoris. quam bannire decreuerint. communi ut dictum est usui reseruanda. Similiter homines illius ecclesie habebunt in nostro nemore uenandi. piscandi. porro pascendi et excidendi ad edificia faciendum et comburendum liberam potestatem. nullatenus autem ad uendendum.

Source Fulltext: RAAB, Seitenstetten (=FRA II/33, Wien 1870) S. 32-34