(Nos Rudolfus) dei gratia abbas totusque conuentus monasterij s. Marie in Sytansteten. omnibus presentes litteras inspecturis uolumus esse notum. (quod cum Hainricus de) Horowe dimidiam uineam suam in Tulbingen. quam Sygehardus dictus Clezlen ad uitam trium personarum a monasterio (nostro habuerat emisset) cum nostra licentia et fauore. nos propter necessitatem monasterij nostri. reliquam dimidiam partem dicte uinee. (quam Hainricus dictus de) Heid a nostro monasterio pro tempore uite sue habuerat. eidem Hainrico et Richardi uxori sue. nec non (uni puerorum suorum). quem ambo uel alter eorum ante mortem suam nominandum decreuerint. uendidimus. et primam partem. quam a dicto Sygehardo (emerat. contu) limus. sub hac forma uidelicet. quod ijdem H. et R. nec non puer quem ambo uel alter „eorum“ nominauerit. siue (duo post mortem vnius). uel unus post mortem duorum. ambas dimidias partes ipsius uinee pro tempore uite sue libere et quiete (possideant et nobis) singulis annis in tempore uindemie de ambabus partibus uinee unam urnam uini soluant. que berchemmer dicitur in uulgari. Post mortem uero dictorum trium ambe partes eiusdam uinee ad ius et proprietatem monasterij (nostri redibunt). heredibus predictorum in ipsis nullo iure penitus remanente. In cuius rei testimonium dedimus eisdem Hainrico (et Richardi). nec non puero superius expresso presentem paginam, sigillorum nostrorum munimine roboratam. Testibus qui aderant (subnotatis). Purchardo milite de Wasen. Hainrico et Hertwico filiis suis. Chunrado de pransteten et Syfrido filio suo. Syfrido pistore. de Winden, et aliis quam pluribus fide dignis. Superscriptionem de hoc uerbo ,,eorum“ approbamus. Datum in Sytansteten Anno domini M°. CC°. LX°. nono. IIII. kal. februarij.

Source Fulltext: RAAB, Seitenstetten (=FRA II/33, Wien 1870) S. 87-88