In nomine domini amen. Quia statutum et in laudabilem consuetudinem est deductum. vt legitimi actus hominum commendentur memorie seripturarum, ac per hoc vniuersa calumpniandi materia subtrahatur et litigatoribus injuriosa litium occasio non tradatur. Nos Wernhardus dei gratia Patauiensis Ecclesie Episcopus recognoscimus. profitemur. ad presentium etiam et futurorum noticiam pervenire cupimus, a felicis recordationis Chunrado predecessore. nostro patauiensis scilicet Ecclesie Episcopo priuilegium datum Monasterio Glvnicensi per omnia in hec verba.||
In Nomine Sancte et indiuidue trinitatis. Chvnradus dei gratia Patauiensis Episcopus. Officii nostri ratio postulare videtur, vt ea, que ad quietem et commoditatem ecclesiarum nostrarum spectant. ordinare nos et tractare debeamus. Hinc est quod nos inter fratres nostros. abbatem fridericum de Sitensteten et vlricum abbatem de Glvnich legitime commutationis concambium fecimus. Etenim cum decimationes de agris Monasterii Glvnicensis ad Monasterium Sitensteten ex antiquo pertinent, fratres invicem gravabant. et inter dantes et accipientes moleste sepe contentiones oriebantur. Nos igitur pro bono pacis et concordie. nec non vt quietius et commodius habeant vtraque Monasteria. majorque sit amborum vtilitas. mansumvnuni in Ilbunge Spach. et pratuni vnum iuxta flumen vrla. ad viginti plaustrata feni et duos mansus iuxta flumen Erla. de bonis Glvnicensis monasterii ad Seitansteten traiecimus. et pro hiis omnem decimationem. quam Sitanstetenses habebant. ab Ensgrvnde usque in Glvnich ipsi Glvnicensi monasterio donauimus. per manus vtriusque loci aduocatorum. Arnhalmi videlicet exparte Glvnicensium. et Egenonis exparte Sitanstetensium. prefatis abbatibus et vtriusque loci fratribus pari voto et communi voluntate in id ipsum consentientibus. vt ergo actio hec huius legitime commutationis firmiter et inconfulse (sic) etatibus constare valeat, paginam hanc inde conscribi ac sigilli nostri impressione roborari precepimus. omnem hominem. qui eam violare presumpserit. excommvnicationis vinculo innodantes. Si semel aut bis commonitus emendare noluerit. Testes autemsunt. Ex clero. Sigehardus abbas Gaerstensis. Fridericus abbas de Sitansteten. Altmannus de Haedershouen. Gundelbertus de Wiztra. Plebani. Ex laicis per aurem attracti. adelramus de vrla et frater eius Egeno. Arnhalmus de volchenstorf. Erchenpoldus. Pilgrinus. Fridericus fratres de Hagwalde, ministeriales Ecclesie Babenbergensis. Hertwicus Bovm. Gundacher. et filius eius Gundacher. Engeschalcus et fratres eins. Sighart. Laentfrit de Egelpach et alii multi. Acta sunt hec. anno dominice incarnationis M°. C°. L°. I°. Regnante domino Chunrado Romanorum Rege glorioso et semper augusto. anno Regni eius XV. Indictione prima, Mense Januarij. feliciter amen.||
Antiquum igitur Priuilegium prenotatum memorati monasterii Glunicensis renouantes. ne ex vetustatis ipsius figura valeat eidem in aliquo derogari. commvtationis legitime concambium. a predicto memorie recolende chvnrado Patauiensis Ecclesie Episcopo rite factum nos Wernhardus Ecclesie memorate Episcopus ratificamus presentibus. volentes, dictum Priuilegium dictorum fratrum monasterii Glvnicensis vsibus profuturum non destrui. sed seruari. nec a quoquam quomodolibet viciari. decernentes ipsum vtpote ratum et firmum in suo robore duraturum. In cuius rei testimonium presentes nostre renouationis sigilli nostri volumus patrocinio communiri. acta sunt hec anno domini M, CC. Nonagesimo secundo. in die sancti andree apostoli. in predicto monasterio Glunicensi presente domino Offone, venerabili abbate et fratribus fere cunctis eiusdem loci. Militibus Nobilibus. Heinrico de volchenstorf. chvnrado de volchenstorf. ditmaro de Tuersendorf. Ottone de zaenning Marschalco nostro. Pilgrino Pincerna nostro. vlrico Capellano nostro. Notariis nostris aelblino et aelblino, et aliis quam pluribus fide dignis.

Source Fulltext: RAAB, Seitenstetten (=FRA II/33, Wien 1870) Nr. 111-113