In nomine Christi Amen. Nos Laurencius dei gra. Gurcensis Ecclesie Episcopus. Emicho de Altzeia. prepositus werden. Saltzburgen. dyocesis et Hainricus Canonicus Frisacen. et plebanus in Greytzensteten. Saltzburgen. et Patauien. dyoc. Arbitri arbitratores sev amicabiles compositores in causis. que inter reuerendum in Christo patrem dominum Chunradum Frisingen. Episcopum et eandum ecclesiam Frisingen. ex vna parte. ac venerabilem patrem dominum Dyetericum Abbatem et Conuentum Monasterij in Seyiensteten, ordinis s. Benedicti, dicte Patauiensis dyocesis idemqué Monasterium ex altera vertitur, super decimis noualibus parrochie in Gestnich eiusdem dyocesis. et super pensione sev censu vnius libre reddituum wienn. monete, quam dictus dom. Episcopus a dictis Abbate et Conuentu. atque Monasteriö petebat nomine Ecclesie parrochialis in Holnstein. similiter eiusdem dyocesis. et super quodam predio, sito in parrochia Pyberbach, dicto wlgariter an dem pache, in quo nunc residet Dyetericus, ac super parte domus. quam habent et possident. Abbas, Conuentus et Monasterium predicti in ciuitate Waidhouen, quam quidem partem dicebat dominus Frisingen. prefatus cecidisse in commissum, occasione census sev canonis non soluti a dictis partibus communiter electi, auditis hincinde propositis, diligenti tractatu et deliberacione prernissis, sententialiter et diffinitiue pronunciamus. laudamus. arbitrarnur statuimus et ordinamus, quod Abbas et Conuentus ac Monasterium antedicti, decimas omnes predicte parrochie in Gestnich,||
antiquas et nouas, de cultis et colendis. presentes et futuras, libere absque inpeticione, inquietacione et perturbacione qualibet dicti domini Episcopi Frisingen. et successorum suorum, ac rectorum ecclesie in Gestnich, sev cuiuscumque eorundem, vice vel nomine perpetuo debeant retinere, ita quod monasterium Seytesteten, et eius Abbates, sev officiales quicumque, in locando, colligendo, ducendo, triturando, reponendo et conseruando easdern decimas presentes et futuras, tam in bonis sev prediis ecclesie frisingen. quam alibi non impediantur quomodolibet. directe vel indirecte, quominus vtilitatem ac commoditatem suam ac Monasterii libere possint facere de eisdem, absque tamen offensa et iniuria dolosa vel maliciosa hominum et prediorum dicte ecclesie frisingen. Porro vt rector ecclesie in Gestnich decencius valeat sustentari, ac nichilominus pro bono pacis et concordie arbitramur, laudamus et diffinimus, vt Abbas et Conuentus, sev Monasterium prefati soluant quinquaginta libras. wiennen. veterum, in duobus terminis infrascriptis, videlicet in festo Epephanie libras vigintiquinque, et in festo Pentecostes immediate sequenti, libras vigintiquinque, eadernque pecunia assignetur ex parte Abbatis et Conuentus et deponatur aput honorabilem virum, dominum Emichonem de Alczeia, et ibidem conseruetur, donec ecclesie in Gestnich ex ea certi redditus, qui ipsi ecclesie et eius rectoribus perpetuo remaneant, comparentur. Pro pensione vero sev censu vnius libre. que petebatur nomine ecclesie in Holnstein, arbitramur et diffinimus. vt Abbas||
Conuentus et Monasterium in loco predicto assignent et deponaiit libras quindecim prefate rnonete, in duobus terminis antedictis, videlicat medietatem in vno et medietatem in reliquo, ita, quod pro eis ipsi ecclesie in Holnstein, vnius libre redditus comparentur per eandem ecclesiam et rectores eius perpetuo possidendi. Item predium supradictum an dem Fache, in quo Dyetericus residet, cum omni iure. quo idem Dyetricus ipsum nunc possidet, arbitrando adiudicamus dicto domino episcopo et ecclesie frisingen. sie tamen, quod in aliis bonis sev prediis prefato predio immediate vel mediate adiacentibus, que nunc Abbas et Monasterium paciffice et quiete possident, dictus dominus frisingen: et eius successores nullum ins sibi vendicent vel vsurpent, Arbitramur etiam. laudarnus et diffinimus, vt pars illa domus Monasterij sita in Waidhouen, de qua fuit questio, absque inquietacione et exaccione quacumque deinceps remaneat ipsi Monasterio in Seytensteten in ea libertate, qua fuit et est reliqua pars maior domus eiusdem, Ceterum. vt inter eos omnis controuersie materia suffocetur. arbitrarnur. laudamus et diffinimus, vt omnis âccio. questio sev impeticio quam alterutra parcium predictarum habuit. vel habere posset in futurum contra alteram super pensionibus. censibus. canonibus vel decimis non||
solutis, et super dampnis, interesse. iniuriis et expensis, vel aliis quibuscurnque occasione premissorum sopite sint penitus et sepulte. Actum et datum, Anno domini Millesimo. Trecentesimo. Tricesimo quinto, in Octaua beati Laurencij. Martiris in Castro Wienn. coram magnificis principibus. dominis Albr. et Ott. Ducibus Austrie. Styrie et Karinthie. et presentibus venerabili in Christo patre et dom. Nycolao Constantien. Ecclesie Episcopo. dom. Heinrico plebano ad S. Stephanum in Wienna. et dom. Nycolao plebano in Marchpurga, Hermanno Cornite de Ortenburch. et Vlrico Cornite de Phannenberg. et nobilibus viris Johanne de Capella. Vlrico. Eberhardo et Friderico de Waise, et aliis pluribus fide dignis et honestis. In cuius rei testirnoniurn presentes litteras appensionibus nostrorum sigillorum duximus roborandas.

Source Fulltext: RAAB, Seitenstetten (=FRA II/33, Wien 1870) S. 198-200