Nouerint uniuersi. presentes litteras inspecturi, Quod nos Chunradus, dei gratia Episcopus Ecclesie Frisingen, ex vna. et Venerabiles ac Religiosi viri, Ditricus Abbas totusque Conuentus Monasterij in Seidnstetn, Ordinis Sci. Benedicti, Patauien. dyoc. ex parte altera, voluntarie et ex certa scientia, de omni lite, questione et controuersia, que inter nos supradictos, occasione noualium decimarum Ecclesie in Gestnich, necnon vnius libre denariorum wienen. occasione cuiusdam pensionis Ecclesie in Holnstain et cuiusdam feudi wlgariter dicti an dem pach, siti in parrochia Piberpach, ot pro parte domus site in ciuitate Weidhouen, vertitur seu verti posset, pro nobis, Ecclesia et Monasterio predictis, concorditer conpromisimus et consensimus, in Vener, patrem et Dominum Dom. Laurentium, Gurcen. Ecclesie Episcopum, et in honorabiles viros. dominos Emichonem de Altzeia prepositum Werden., et Magistrum Heinricum, Canonicum Frisacen., et plebanum in Greitzensteten, electos et assumptos a nobis tanquam veros arbitros, conpromissarios. seu arbitratores laudatores seu amicabiles conpositores, dantes eis et concedentes plenam et liberam potestatem. vt possint simul super premissis, de plano, sine strepitu et figura iudicij, examinare. cognoscere, partes ad audiendum sententiam seu preceptum vel ad alia citare, diem ad pronunciandum ved ad alia prefigere, et prefixam prorogare, partem contumacem multare, Ita quod quidquid per predictos tres arbitros seu arbitratores, in prescriptis et infrascriptis fuerit concorditer factum et ordinatum, super eo possint ipsi et valeant auctoritate presentis conpromissi pronunciare, diffinire, arbitrari, et prout ipsis expedire videbitur terminare, ordine iuris seruato vel non seruato. diebus feriatis vel non feriatis, in scriptis vel sine scriptis, et alias qualitercunque et quantumque, prout melius ipsis videbitur expedire, vtraque parte presente vel earum altera absente, dum tamen citata fuerit, et quod vnus pro se et socijs possit pronunciare et sententiam legere consequenter. Conpromisimus etiam pro nobis, Ecclesia et Monasterio predictis, per sollempnem stipulacionem, stare. parere et obedire dicto laudo, pene, arbitrio et pronunciacioni, preceptis et terminacioni, per eos faciendis et mox eis prolatis, emulgare et approbare, et in nullo contrauenire quacunque racione, causa seu modo, de iure seu de facto, per nos vel interpositas personas, quod si contra laudum, arbitrium seu pronunciacionem vel aliquid premissorum, aliquis ex nobis conpromissarijs, de jure vel de facto faceremus vel veniremus, per nos vel interpositas personas. vt est predictum. promisimus sollempniter nobis inuicem et prefatis arbitris, quod pars, arbitrium, laudum seu pronunciacionem, in totum vel in partem non seruans, parti seruanti dabit et soluet pene nomine, ducentas libras denariorum wienen. infra spacium duorum mensium a tempore violati conpromissi. laudi seu arbitrij conputandum, ac nichilominus reficere et resarcire omnia dampna. expensas et interesse, que vel quas fecit seu faciet, super quo suo stare volumus sacramento, cui sine alijs probacionibus fidem plenam nobis placuit adhibere. Que omnia et singula promisimus sub pena premissa, et ypoteka nostrarum rerum fideliter adimplere et obseruare. In cuius rei testimonium presentes appensionibus nostrorum sigillorum. videlicet Episcopi, Abbatis et Conuentus predictorum fecimus communiri. Et quia Capitulum Frisingen. in rebellione est sedis apostolice et nostra Episcopi memorati, propter quod ipsius assensum habere nequiuimus ad premissa. ideoque auctoritate et sigillo reuerendi in Christo Patris et Dom. dom. Friderici, Sce. Saltzburgen. Ecclesie Archiepiscopi, apostolice Sedis legati, Metropolitani nostri presens conpromissum petimus roborari. Actum et datum. Anno domini M°. C°C°C°. tricesimo quinto in Castro Wienen., In vigilia Assumpcionis virginis gloriose. Nos vero Fridericus Archiepiscopus supradictus, apostolice sedis legatus. ad votiuam parcium dictarum instantiam, prefatum conpromissum in omnibus suis capitulis, sicut prouide actum et conpromissum est confirmamus et sigilli nostri munimine conmunimus. Actum et datum Anno predicto XIII. Kalend. Octobr.

Source Fulltext: RAAB, Seitenstetten (=FRA II/33, Wien 1870) S. 196-198