In nomine domini Amen. Ego Syfridus Plebanus Ecclesie parrochialis in Wolfspach, patauien. dyoc. presentibus publice rocognosco et notifico vniuersis, presentes litteras inspecturis, Quod venerabilis in Christo pater et dominus meus graciosus dom. Engelschalcus diuina permissione Abbas totusque Conuentus Monasterij beate Marie in Sitansteten, ordinis sancti Benedicti, eiusdem Patauien. dyocesis praemisso inter se diligenti tractatu propter euidentem necessitatem et vtilitatem Monasterij supradicti, quedam sua et ipsius monasterij propria predia infrascripta et suas decimas in predijs subnotatis, eo iure et vsu, quo ipsi dicta predia et decimas ab antiquo possederunt, obtinuerunt et fructus ex eis hactenus perceperunt, pro centum et quinquaginta libris denariorum wiennen. monete, quas ipsis per numeracionem legalem tradidi realiter et persolui, ad vitam et tempora vnice ac solius mee duntaxat persone michi vendiderunt, ac in reale assignando praecarium tradiderunt, Primo videlicet duas curias seu duo allodia in Pirbawm, sita in parrochia Wolfspach, dicte dioces. patauien. de quibus tercia pars omnis bladi et tota decima, tam maior quam minuta, michi debentur, minuto tamen censu seruiciali, in eorum registro contento, vecturis et steuris, ipsi Sitanstetensi monasterio reseruatis. Item omnes decimas subscriptorum prediorum ad predicta duo allodia in Pirbawm ab antiquo inuectas pariter et deductas, Primo in Grabenswaig, Item dacz Strazz, Item in Schataw, Item in Chuperig, Item in Neundingsdorf, Item in Haghof, Item in Cinkhof, Item in Rawt, Item in holczmanshof, Item in Chranperig, Item in Aichperig, Item in Weidech, Item in Gansperig, Item in aygen. Item in Allmusenhof, Item Ernprechtsoed, Item super Ekk, Item Grasenperig, Item Bruderperig, Item Schawhing, Item in Plankchen, Item in Prukk, Item Willpoltsperig. Item Topel, Item Puhel, Item in Rinn, Item in Pache, Item iterum in pache. Item Slegelhof, Item faber in Pyrbawm, Item ibidem in molendio, Item hinkchundmul, Item hausleitten Item Tehendorf, Item himpelod, Item hinterschachen, Item iterum in Schachen, Item Grasenperig, Item Chamerhueb et in Wiss, Item generaliter omnium eciam hie non expressorum, quibuscumque censeantur nominibus, prediorum decimas, ad prenotatum Sitanstet. monasterium pertinentes, que ad predicta duo allodia in Pirbawm hactenus sunt inuecte, Ita quod ego prenominatus Syfridus, siue permanendo in predicta mea ecclesia in Wulfspach, siue permutando eandem pro alia, eorumdem duorum allodiorum in pirbawm fructus suprascriptos et decimas prenotatas precarij tytulo, quoad vixero, vice et loco predictorum domini mei Abbatis et Conuentus, nec non Monasterij Sitanstetensis, a prima huiusmodi comparacionis seu empcionis die inantea debeo atque possum integre percipere atque colligere annuatim et omnem vtilitatem meam pro mee libitu voluntatis disponere cum eisdem, prout hec omnia et singula in ipsius vendicionis litteris mich traditis continentur. Post meum vero obitum prefata duo allodia in Pirbawm cum eorum decimis nec non omnes decime suprascriptorum prediorum inuecte ad ipsa allodia, vt prefertur, cum omnibus iuribus, fructibus et pertinencijs suis ad supradictum Monasterium Sitanstetense et in plenum eius vsum vt prius statim absque quouis impedimento transire debent pariter et reuerti, ymo ipso facto eidem monasterio extunc liberata sint pariter et redempta, Ita quod omnes et singuli mei successores, futuri plebani dicte parrochialis ecclesie in Wolfspach, aut mei consangwinei uel coniuncti, racione huiusmodi precarij, in futurum nullum jus sibi in prescriptis bonis vendicare uel vsurpare debent aliquatenus siue possunt, Nec super eis vel eorum aliquo aut super prescriptis centum et quinquaginta libris denariorum wiennen. prefato domino meo Abbati et omnibus eius successoribus et Conuentui ac monasterio in Sitansteten iudicialiter uel extraiudicialiter vllam debent uel possunt mouere in posterum causam seu litem aliquam intentare. Huius rei testes sunt honesti et discreti viri, Engelschalcus de lasdorf, Johannes hac vice magister Czeche, Fridericus de Winden, Nycolaus de Vnterperig, Vlricus villicus in Vbental, Hainricus leupolter apud pache, Fridericus villicus in Chirichsteten, parrochiani predicte ecclesie in Wolfspach in testimonium specialiter requisiti. Vt autem premissa omnia et singula firma maneant et inconuulsa, mei prenominati Syfridi sigillum atque sigilla reuerendorum in Christo patrum et dominorum dom. Nycolai abbatis Monasterij in Gerssten, ac dom. Vinci Abbatis Monasterij in Glunikch ordinis sancti Benedicti, imo honorabilium et discretorum virorum, dom. Nycolai ad sanctum petrum in der Aw, dom. Maurlini in hag, et dom. Johannis in Sundelburch plebanorum, prefate patauiensis dyocesis sine ipsorum dampno mearum intuitu precum, in euidens testimonium presentibus sunt appensa. Datum VIII°. kalendas Maij. anno domini Millmo. CCC°. LXXXIIII°.

Source Fulltext: RAAB, Seitenstetten (=FRA II/33, Wien 1870) S. 312-314