Bonifatius episcopus, seruus seruorum dei dilecto filio . . . Preposito Monasterij in Sanctoypolito per Prepositum soliti gubernari, Patauien. dioc. Salutem et apostolicam benedictionem. Ad audientiam nostram pervenit, quod tam dilecti filij laurentius Abbas et Conuentus Monasterij beate Marie in Sittenstetten, ordinis sancti Benedicti, Patauien. dioc. quam predecessores eorum, qui fuerunt pro tempore decimas, terras, uineas, possessiones, casalia, prata, pascua, nemora, grangias, molendina, census, redditus, iura, iurisdiciones et quedam alia bona ad dictum Monasterium spectantia, datis super hoc litteris, confectis exinde publicis instrumentis, interpositis iuramentis, factis renuntiationibus et penis adectis in grauem ipsius Monasterij lesionem nonnullis clericis et laicis, aliquibus eorum ad uitam, quibusdam uero ad nonmodicum tempus et alijs perpetuo ad firmam uel sub censu annuo concesserunt, quorum aliqui dicuntur super hijs confirmationis litteras in forma communi a sede apostolica impetrasse. Quia uera nostra interest super hoc de oportuno remedio prouidere, discretioni tue per apostolica scripta mandamus‚ quatinus ea, que de bonis ipsius Monasterij per concessiones huiusmodi alienata inueneris illicite uel distracta, non obstantibus litteris, instrumentis, iuramentis, renuntiationibus, penis et confirmationibus supradictis ad ius et proprietatem ipsius monasterij legitime reuocare procures, Contradictores per censuram ecclesiasticam appellatione postposita compescendo. Testes autem qui fuerint nominati si se gratia, odio uel timore subtraxerint, censura simili appellatione cessante compellas, ueritati testimonium perhibere. Datum Rome apud Sanctum petrum XII. kal. Julij Pontificatus nostri Anno Octauo.

Source Fulltext: RAAB, Seitenstetten (=FRA II/33, Wien 1870) S. 361-362