... das wir unsrew rewtt, zu Munichwald gelegen, gelassen haben des erwirdigen herren herren Dyettreichen abbts czu Vorenpach und convents daselbs und aller irrer nachkomen lewtten cze Munichwald als sy yeczund ligent undschullen uns dieselben rewtt järleichen gen Voraw verdienn auff sannd Jörgen tag als hernach geschriben ist: Item von dem rewtt, das Nikel der Parr inne hat, schol man uns dyenn yärleichen 45 d. Item von dem rewtt dapey gelegen, das Jacob der Mullnär innehatt, schol man uns dyenn 40 d. Item dapey ain wisen und ain rewtt gelegen, das her Caspar Smacz, pharrer zw Munichwald inne hatt, schol man uns dienn 42 d. Item von dem rewtt, das Hanns Hyersman der ambtman inne hatt, schol man uns dyenn 70 d. Item von 2 rewtten, dye auch der vorbenannt pharrer czu Munichwald inne hatt, schol man uns dyenn 70 d. Item von dem rewtt, das Lewpold der Polttel Mesnär inne hatt, schol man uns dyenn 24 d. Item von dem rewtt, das Anndre Wollslachär inne hatt, scholl man uns dyenn 20 d. Dye vorbenannten gruntt und rewtt schulten dye benanntten der von Varenpach lewtt mittsambtt dem pharrer zu Munichwald von uns emphahen und auffnemen zu kchauffrechtt mitt kchauffbrieffen als lannts recht ist.