... unsersfreyen aygen guet, die stukch und grundt, als namleich hernach geschriben Stent. Item von ersten zwo wisen, gelegen unter der stat Volkenmarkcht bey der Tra und ain rayn ob der grassen wisen und ajn awen, gelegen zwischen den zwajn wisen, darauf ain stadl stet und davon manjärlich dient, und ajn vischwajd auf der Tra (Drau), als von alterherkomen ist, und aber ain wisen, gelegen daselbs ober der pruckken, und ajn awen dabey, die da stösst an des prior zu Volkenmarcht wisen. Item und ajn holzhoff, gelegen ob sand Rueprechts kirchen bey Volckenmarcht, und ein holz undholzstatt daselbst undstost auch an des vorgenanten prior holz. Item und aber ajn hoff, gelegen unter der obgemelten sannd Rueprechts kirchen enhalb des Tewffenbachs, und stost mit dem ain ortt an dy landstrass, die gen Ober Truchsen (Obertrixen) gett, das alles weylant Michlen des Drescher säligen gewesen ist.