... dazfur uns kam der ersam geistlich unser lieber andechtiger Lienhart, probst zu Varaw, und gab uns zuerkennen, wie er und sein vorfarn probst daselbs zu Varaw untzher dhain aygen wappen noch chlaynat gehabt, des sy zu im und irs gotshaus sacken zu insigel und anndern im notdurfften gebrauchen bieten mugen, sunder der probst, so am nagsten vor im gewesen und mit tod nun abganngen wer mit namen Anndree Prannpekch, biet sein und seins geslechts und namens wappen mit namen ain swartze flug mit ainem fuss in ainem goldvarben veld allweg gefürt und gebrauchet, das nun mit seinem tod abgestorben und uns als lanndesfürsten ledig worden, nach dem dhainer mer manns gesiecht desselben namens und wappen in leben wer, und bat uns dyemütigclich, daz wir dieselb wappen und chlaynad im und seinen nachkämen den pröbsten und dem egemelten gotshaus zu Varaw gnedigclich gerückten zugeben und zuverleihen, also daz sy das mitsambt unsers herren urstennd und dabey sannd Thomas des heiligen zweifboten des bemelten irs gotshaus haubtherren bildnuss, als sy und ir convent der in im insigeln bisher genützt und gebraucht bieten, nun hinfür in ainem schilt gefürn, nutzen und gebrauchen mochten in massen, als das hieinn aigentlich gemalt und mit varben ausgestrichen ist.