... als der marckht zu Voraw in unnserm furstennthumb Steyrain ortfleckh desselben unnsers furstennthumbs und an den confinnen gegen Hungern gelegen, auch als wir von dem ersamen geistlichen unnserm lieben andechtigen Colman brobsten daselbst zu Voraw, grunntherren deselben marckts, bericht worden newlicher zeit zwaymallen harrt verbrunnen und swerlichen verderbt ist. Damit aber derselb marckt widerumben in aufnemen komen und sich die gedachtenn burger zu guetem vessten paw bewaren undfursehen sullen und mugen, haben wir inen demnach als römischer kaiser auch herr und lanndsfürst dise besonnder genad gethan undfreyhait gegeben, thunn geben ihnen die auch hiemit wissentlichen in crafft dits briefs, also daz sy jarlichen zwen offen frey jarmerckt in demselben marckt Voraw, den ainen an des heyligen crewtztag erhohung, inmassen inen der von unnserm regimennt unnser niderosterreichischen lannde gegönnt, erlawbt und verschriben ist, und den anndern auf sannd Philipp und Jacobs der zweifboten tag mit fürstlicher freyung 8 tag vor und 8 tag hinach haben halten und üben.