... significasti nobis, antecessores tuos a nostris praedecessoribus felicis recordationis humillimis precibus,postquam monasterium Voraviense in extremis finibus Styriae inferioris a metropoli nostra nimis longo itinere dissitum et non minus periculosum quam sumptibus grave sit, professos ad sacros ordines aspirantes huc ad dictam nostram metropolim transmittere, facultatem eosdem ordinandos adproximum episcopum mittendi obtinuisse, eius vero scripturam seu instrumentum superioribus annis incendio periisse, humiliter petens, ut nova tibi super hoc negotio facultate succurramus. Nos igiturprecibus tuis inclinati atque ad ea, quae in tuae commoditatis augmentum cedere videntur,favorabiliter intendentes, tibi ut novitios seuprofessos tui monasterii ad venerabilem fratrem amicum nostrum dominum Martinum episcopum ecclesiae Seccoviensis vel Mo casu aliquo impedito ad episcopum Laventinensis ecclesiae pro ordinibus suscipiendis usque ad presbyterium inclusive mittere possis.