... gericht, manschafft und zehent, alß von erst das gericht zu der vessten Peggach umb allen fravel, alß weit das gericht darzue gehört, und das ein ambtman und richter daselbs die 5 zu hören hat umb den todt und der landtrichter zu Graz die 2 in dem landtgericht, da andtworth man ihm in über daspigmerch, alß er mit gürtl umbfangen und von alter herkhomen ist, und etlich manschafft lechen, die sy fürbaß von der handt lachen, darzue 2 thaill des zehents zu Fronleuthen in der Eben und daselbs umb den markht gelegen, der lehenschafft des herzogthumbs Steyer zu lehen gnedigkhlich verliehen. Und weillen nun ime in der zwischen ihnen fürgangnen briederlichen thaillung solliche gericht, manschafft und zehent sambt der herrschafft Peggach allein angefahlen, hatte er gehorsamblich, daßwür ihme dieselben vererzu lechen genedikhlich verlachen wolten.