In nomine sancte et indiuidue trinitatis. Conradus dei gratia patauiensis episcopus cunctis ecclesie sue christique fidelibus salutem in perpetuum. Si seruorum dei equis petitionibus acquiescimus et iustis deoque placitis desideriis assensum porrigimus, profuturum nobis fore certum habemus. Vnde rogante venerabili Willeheringensis cenobii abbate suisque fratribus inibi deo famulantibus suam eorundem petitionem pro quodam concanbio destinauimus exaudire et ne hoc idem factum nostrum obliuione posterorum recindi (sic) ualeat, presentiarum pagina et bulle nostrae inpressione decreuimus conmunire et conmuniendo precauere. Abbas itaque pretaxatus obedientiae sibi creditae sine nostro et aecclesiae nostrae detrimento prouisum fore satagens conpetentibus aput nos obtinuit precatibus, vt pro parte vniuersarum decimationum, quae aput Wilheringen et purcheimen, nec non ederannesperge tam de suis ipsorum cultibus quam aliorum inibi agriculturas habentium plebano nostro de schonheringen iure debuit prouenire, curtile quoddam suae proprietatis aput strashemen in reconpensationem uellemus recipere. Similiter pro parte reliqua decimarum, quae illis prefatis tribus in locis uasallum nostrum Otacharum videlicet marchionem de stira beneficiario iure contigit, a supranominato abbate suisque fratribus predium tale, quale in pago růdolphingen possederunt, ipsius eiusdem reuerendi abbatis obtentu et predicti marchionis assensu in conmutationem recipere voluimus. Viros itaque ecclesiae nostrae ministeriales et alios quam plures non paruam in huiusmodi negotiis discretionem habentes misimus, vt parem vtriusque utilitatis estimationem, que hinc inde in illa cambitione posset concurrere, discrete preconsiderarent, nobisque ueritatem super hoc reportarent. Dicto itaque nobis, quod pro decimis illis pretaxatis in prenominatis prediis receptis plenariam reconpensationem habere possemus rationabiliter et legitime, antefato uasallo nostro marchione Otachario, plebezano quoque de schonheringen scilicet werinhardo consentientibus conmutationem illam recepimus et de recepta paginam hanc et scribi et sigillo nostro insigniri precepimus. Hunc autem contractum et confirmationem cleri et fidelium nostrorum fauore et beneplacito conprobatam, vt iugiter maneat inconuulsa, deo auctore sub inmunitate banni nostri ponimus nec non et successoribus nostris episcopis eandem in christo diligentiam relinquimus. Acta sunt haec Anno ab incarnatione domini Millesimo C.L. VIIII. indictione VII. anno uero nostri pontificatus XII. Testes sunt de patauiensi choro Rudbertus decanus, Rudbertus de sancto Sixto, Vdalricus prepositus, Heinricus scolasticus, Sigehart, Chunil, Otto, Otto, Otto, Ekkehart, Albn...., Friderichus, Switthart, Vdalrich, Petrus. Laici nobiles, Otaker marchio, Welpho, Liutolt comes, Vdalrich de pernnekke, Dietrich de spileberch, Heinrihc de tegernwanch, Herman de chazelinestorf, Diettmar de agaste. Ministeriales, Walther, Ruddeger, Ruddeger et frater eius Porno, Meinhart de vornpach et frater eius, Růdolf, Gerhoch, Gotefrit, Fridrich et frater eius O^udalrich, Porno de widahe, Reinprecht, Marchwart, O^udalrich et frater eius, Sigboto de pornhemen. De familia marchionis Hartnit, Gundacher, O^udalrich Si^egbot. Data Ebelleperghc nona kalendas Julii, regnante Friderico imperatore augusto anno Imperii sui septimo feliciter. Amen.

Source Fulltext: OÖUB 2 (Wien 1856) S. 292-294