Anno ab incarnatione domini M. CC. VI. in nomine sancte et indiuidue trinitatis Ego Poppo dei gratia patauiensis episcopus uniuersis christi fidelibus salutem in perpetuum. Vt ad memoriam transfundamus filiorum, qui nascentur et exsurgent, facta in nostris temporibus, notum esse cupimus presentibus et futuris, qualiter predecessor noster dominus Wolfkerus tunc patauiensis episcopus, postea factus Aquilegensis patriarcha ad peticionem Levpoldi ducis austrie, qui principaliter inbeneficiatus erat duabus hubis locatis in Ederamsperge a iam dicto episcopo et ad peticionem Haertwici de lengenpach aduocati Ratisponensis ecclesie, qui eas a duce prenominato in beneficio susceperat, et ad peticiones Pillungi de Pernsteine, qui eis a predicto Haertwico inbeneficiatus erat, et ad peticionem cuiusdam militis Alberonis gneusen, qui eas a iam dicto Pillungo in beneficio susceperat, contulit cenobio sancte Marie in Willeheringen sub abbate Ottone de Nieste de uoluntate fratrum tunc temporis ibi degentium recipiens in potestatem sancti Stephani et predicti Alberonis duas curias uillicationis in Percheimen et unum predium in Rotelheimen soluens annuatim tres solidos. Ut autem contractus ille habitus in Ebelsperch perpetuam firmitatem haberet, adhibiti sunt testes et adnotati Walchunus liber de Wessenberch et Cholo de Grizpach, Engelbertus prepositus de sancto Floriano, Heinricus de Lonsdorf, Rvdegerus de Biberowe et frater suus Sigehardus, Otto chreier, Vlricus Mageran, Raffolt. Uerum quia negligentia pretermissum est, quod inpressione sigilli non fuit firmatum, quod legitime sub predecessore nostro fuerat factum, ne uetustate posset aboleri tempore nostro, peticione abbatis Gotscalci de Willeheringen scripto iussimus mandari nouo et inpressione sigilli nostri roborari. Idem quoque Albero pollicitus est, quod, si quis hanc donationem uellet irritare, ipse eam omnibus modis uellet cenobio confirmare. Huius rei testes sunt Heinricus decanus de choro, Heinricus cellerarius, Arnoldus custos, Heinricus de Poungarten, Gotfridus de sancto Johanne canonici. Vlricus presbiter de Gnanendorf, Otto Biber, Vlricus scober capellani episcopi. Cholo de Grizpach, Walchunus de Wessenperch, Chunradus de Heichenpach, Otto frater suus, Heinricus de sancto V^olrico, Siboto frater suus, Albertus de Fuchtenpach, Grimo de Wintperch, Hartmv^ot chelze, Wernhardus de Otensheimen, Arnoldus de Haselpach, Waltherus de Oprechtesperge.||
Datum Patavie II. Nonas Februarii anno pontificatus nostri secundo anno M. CC. VI. Indictione VIII.

Source Fulltext: OÖUB 2 (Wien 1856) S. 502-503