Ne super gestis mortalium calumpniandi materia uel litis occasio prebeatur, per testes et literarum apices perpetuatur memorie perpetis certitudo. Nos Rapoto de valkenberch et nos Hadmarus de Werde ad omnium noticiam cupimus peruenire, quod dominus Heinricus dictus Trv^egw^erfel de consensu filii Wolfkeri et generis (sic) sui domini Chvnradi de Hyntperch nec non et nepotis sui filii ipsius Chvnradi de Hyntperch et aliorum heredum suorum redditus trium librarum sitos in Ekkendorf sub Wachrain uendidit domino Ernesto venerabili abbati et ecclesie in Wilheringe pro quadraginta duabus libris liberaliter possidendos, tali apposita conditione, quod, si qui processu temporis memoratam domum Wilheringe impetierint pro supradicta possessione, prefatus Heinricus Trv^egw^erfel uel heredes ipsius prenominati tenentur absoluere ab eisdem, quod si secus fecerint, si quid dispendii rerum uel grauaminis ex eo receperit, de possessionibus ipsorum debet ipsi plena satisfactio exhiberi. Vt autem hec talis traditio nulla queat in posterum calumpnia perturbari, presens iustrumentum super ea conscriptum nostrorum sigillorum fecimus munimine roborari. Huius rei testes sunt Junior Rapoto de valkenperk, Dominus Chvnradus de Pv^ochperch et frater suus Irnfridus, Marquardus de Hintperch, Ortlibus de Winchel ministeriales, Chvnradus de Valkenberch et filius suus Chvnradus, Ditmarus de Engelmarsprvnne Milites, Wernherus et Gotfridus de vornvelde, Gotfridus Gotschel, Lvdwicus de Engelmarsprvnne, Livtoldus de Stochstal, Heinricus de Chrimminge et alii quam plures. Acta sunt hec Anno domini M. CC. LXIIII. Epacta vicesima, Indictione septima.

Source Fulltext: OÖUB 3 (Wien 1862) S. 330-331, Nr. 355