Nos Bertholdus dei gratia Babenbergensis Episcopus Notum facimus vniuersis, quod, cum super assignationem clauis ad Turim Sancti Georij in Atergeudorf inter nos et Nobiles viros dominos de Schowenberch orta fuisset materia questionis, eandem clauem in placitis, que judex dictorum nobilium ibidem habebit, eidem judici sine nostro et eorum preiudicio ad nostrum reditum fecimus assignare ita tamen, si comunis timor medio tempore fuerit, nostri homines cum judice in eadem turri se recipient pro tutela. Et post reditum nostrum ad easdem partes nos et dicti nobiles arbitros, qui nostris placitis prius interfuerunt, tenebimur inuocare et quicquid ijdem per iuramentum requisiti dixerint de eadem claue, nos et ipsi ratum tenebimus atque firmum et omnia alia, que in literis prioribus continentur de forma compositionis inter nos et dictos nobiles, per eosdem arbitros ordinata. In cuius rei testimonium presens scriptum nostri sigilli robore fecimus communiri. Datum apud Claustrum Wilheringen Anno domini M. CC. LXIIII. Quarta feria post diem pentecostes.

Source Fulltext: OÖUB 3 (Wien 1862) S. 318-319, Nr. 341