Coustat adtestante beato Gregorio, quod quicquit misericorditer ac pietatis respectu inpenditur, et auctorem suum adiuuare et in die retributionis optatum ei premium adportare. Laudabilis est scripture thesaurus et super avrum et topazion diligendus, nam per ipsum omnis facti perpetua manet recordatio, quam detergere non valet prolixa temporum decursio. Notificamus igitur huius scripti continentia vniuersis sancte matris ecclesie filiis tam presentibus quam futuris, quod Nos Vlricvs de Lobenstain fundauimus ecclesiam in Zvetlik, que sita est in terminis ecclesie Greimharsteten, vt ibi sacerdos residens collocetur, qui ipsam inofficiet officiis diuinis fideliter ac deuote, cui nos tribuimus dotem et aream et alia necessaria, vnde conmode poterit sustentari. Dominus vero abbas de Wilheringe et plebanus de Greimhartsteten ipsi sacerdoti etiam in subsidium uite temporalis cottidianum questum cum minoribus decimis indulgebunt. Apud quam ecclesiam recipient sepulturam et alia ecclesiastica sacramenta omnia novalia, que plantauimus tempore vite nostre. Illa vero noualia, que pater meus felicis memorie plantauit in supra memorata ecclesia Greimharsteten ecclesiastica recipient sacramenta. Vnde tenore presentium protestamur, nullum ivs sev petitionem aliquam in collatione ecclesie Zvetlik nos uel nostros posteros habituros, Sed plebanus de Greimharsteten sacerdotem sepedicte ecclesie instituet et destituet secundum quod sva merita postularint, Solo excepto, quod ipsum sacerdotem defendemus sine omni emolumento temporali. Vt autem hec rata permaneant et inconcvssa, presentem cartam super ea conscriptam mandauimus nostri sigilli munimine roborari. Testes sunt hii, quorum nomina sunt subarata: Dominus Vlricus de Chappell, Siboto de Lonstorf, Chvnradus de Hartheim, Sigehardus pybero, Rv^edelo pyber, Wo^elflinus de hartheim, Eberhardus de Tobel, Chvnradus dictus Wachrainer et alii quam plures. Acta sunt hec anno domini M. CC. LXIIII. In assumptione sancte Marie virginis.

Source Fulltext: OÖUB 3 (Wien 1862) S. 323-324, Nr. 346