Ne gestarum rerum memoriam tollat obliuio, solent facta hominum perpetuo duratura scripturarum apicibus et bono testimonio perennari. Innotescat igitur tam presentibus quam futuris, quod ego Chvnradus iunior de Hartheim nec non Agnes vxor mea feodum situm in Harde, in quo nunc domina dicta Thalhaimerine moratur, cum consensu optimo heredum meorum aliorumque amicorum nostrorum Ecclesie beate Marie virginis in Wilhering pro decem libris denariorum donauimus et vendidimus usu fructuario et tytulo proprietatis liberaliter et perpetuo possidendum, hoc adiecto, quod tenore presencium promisimus et adhuc promittimus, quod idem feodum ab omni vexacione et inpeticione heredum nostrorum et omnium amicorum nostrorum et quorumlibet aliorum defendere debeamus, ita sane, quod quicunque (sic) predicta Ecclesia in Wilhering per inpeticionem dicti predii dampni siue dispendii receperit, teneamur de omnibus nostris possessionibus pleno plenius restaurare. Ne igitur presens donacio simul et vendicio ualeat aliqua in posterum calumpnia perturbari, presens scriptum dedimus predicte Ecclesie in Wilhering nostri sigilli munimine et subnotatis testibus roboratum. Sunt autem testes Leo officialis, Hainricus Scho^ennawer, Otto Sluzelberger, Leupoldus filius suus, Hertnidus Ro^eter, Hainricus et Leupoldus fratres sui, Vlricus Frelich, Otto filius Leonis officialis, dominus Rudolfus de Alharting, Hainricus frater suus, Rudolfus de Owe, Otakerus de Chirchperg, Walchunus de Percheim, Ortolfus de Alharting, Hainricus de Alharting, Otto officialis, Vlricus fllius suus, Chunradus Chetzinger, Acta sunt hec anno domini M.CC.LXXXIIII. XVIII. Kalendas Octobris.

Source Fulltext: OÖUB 4 (Wien 1867) S. 23-24, Nr. 26