Ich Elizabeth Beyluth, Ott Petreins, purger ze Newnburch chloster halben, hausfro vergich mit sampt meinem aydem Micheln dem Dirscher, purger ze Wienn, vnd meiner tochter Elspeten, seiner hausffron, an disem brif, daz wir - - recht vnd redleich verchaufft haben den erbern gaistlichen herren apt Herman vnd der samung ze Wilhering vmb xvj. Ib. alter Wienner dn., der wir schon gewert sein, vnsern weingarten, daz ain virtail ist, leit mit paw mit alle an dem Aichperig zenagst irem weingarten, der genant ist der Chluppinger, do man järleich nicht mer von dinet dann V virtail weins ze perchrecht vnd drey helbling ze voitrecht den edlen vnd erbern herren herrn Reinprechten vnd herrn Fridrichen brüdern von Walsse von Ens, vnd haben in den selben weingarten auch auf geben - - - mit vnsers perchmaisters hant ze den zeiten Pilgrams des Flotzer.- - - Mit vrchund ditz brifs der versigelt ist mit vnsers obgeschribens perchmaisters Pilgreims vnd mit meines vorgenanten Michels insigels vnd verpint wir vns paydew Elspeten vnder dem selben, wann wir nicht aygens insigels haben. Datum anno Domini M° ccc° xlviiij. in purificacione beate Marie virginis.

Source Fulltext: OÖUB 7 (Wien 1876) S. 93f., Nr. 94