Ich V/elreich der Perndorfer, ich Ludweig sein brueder vnd all vnser erben wir veriehen vnd tu^en chunt allen den, di disen brief ansehent oder horent lesen, di nu^e lebent oder (hernach) chvnftich sind, daz wier den acher, genant an dem Mo^es im Greymhartsteterpharre gelegen, recht vnd redleich vnd mit gu^eter gu^enst vnd willen aller vnser vreunt geben haben dem goteshous ze Wilhering vnd der samnvng da selbs ze einem selgera^et ab vnsers vaters sel, dem Got genad. Wier verzeichen vns ouch des vorgenanten achers, (daz wir dar zv) nimer mer chain zueversicht schallen gehaben. Ez schol auch daz egenant (gotzhaus ze Wilhering vnd di sampnung) doz selbs den e genanten acher versetzen, verchauffen vnd ze irm (frum schaffen, wie si wellent, da) schalle wir sey zue fuedern. Swaz in dar an ab get von vns vnd von (vnsern erben, das schullen si haben) datz vns vnd datz aller vnser hab nach landes recht. Daz di red (also sta^et vnd) vnzebrochen beleib, dar vber geben wir jch vorgenanter Vlreich der Perndorfer vnd ich egenanter (Ludweig) sein brueder dem egenanten gotzhaus ze Wilhering vnd der sammvng da selbs disen offen brief (ze einer) warn vrchu^end diser sache versigelt mit vnsers vetern anhangvndem jnsigel Herbortes des P(erndorffer) vnd ze einer pezzern sicherhait, wann wir aygens jnsigels nicht enhaben, darnach mit des erbern (mannes) jnsigel Chvnratz ("der" ausgelassen) ze den zeiten purkgraf vnd lantrichter gebesen ist ze Wessenberch. Der brief (ist geben do) ergangen waren von Christes gepu^erd dreuzehenhundert jar, dar nach in dem drew vnd (funftzigisten iar) an sand Gorgen tag.

Source Fulltext: OÖUB 7 (Wien 1876) S. 304f., Nr. 300