Ich philipp Tvmbsinger burger ze Steyr, Ich lobey sein Hawsfraw veriehen fur vns vnd all vnser erben, di wir yecz haben oder chu^enftichlich gewinnen, offenbar mit dem brieff allen lewtten yecz lebentigen vnd hernach chu^enftigen, den er fu^erbracht vnd geczaigt wirdt, das wi^or mit wolbedachtem mu^eet, nach Rat, Gu^enst vnd willen vnser na^echsten vnd pesten frewnde zder zeit, vnd wir es von recht wolgetu^en mochten, den hoff genant ze pawngarten an dem liechtenperig gelegen jn Greymestetner pharr vnd jn wassenberger gericht, der lehen ist von den Edlen Hochgeborn fursten den Herczogen von osterreich etc. jn lehens weis likkund ist jn der graffchafft wa^essenberch, verchauft vnd ze chauffen geben haben wernharten dem. Tantschelmair zden zeitten gesessen auff dem Tantschelhoff, seiner Hawsfrawn, allen jren baiden Erben vnd Gaben, wie die genandt sind, vmb ein geldt, des wir vnd vnser erben von jn vnd jren erben gantz vnd gar gericht vnd gewert sein ze rechten Tagen vnd an all fcheden, Vnd antwurtten jn auch den egenanten Hoff mit aller seiner zugehorung, Nuczen, eren vnd rechten, ze holcz, ze veld, ze dorff, ze wysmad, ze wazzer vnd ze weg, pawn vnd vngepawn, besucht, vnbesucht, wie sa das alles genant ist vnd gehaizzen mag, da von nu^ecz bechomen mu^egen, Sy sein chlain oder gross, jn jr Nucz vnd gwer wissennleich mit dem brieff, Also, das sew domit ledichlichen vnd freyleichen allen jren fru^emen schaffen sollen vnd mu^egen als mit anderm jrem aigenhafften guet mit verseczen, verchauffen, Geben, Schaffen vnd machen, wem sew wellen, wie sy des verlustet, als Jn das aller pest fuegu^end vnd geuallu^end ist, An all vnser Jrru^eng. Wir sein auch des egenanten Hoffs vnd seiner zugehoru^eng, des nichtz ausgezogen, als vor gemelt ist, Jr vnd jren erben vnd Gaben Recht gwern vnd fu^erstannd fu^er all ansprach, wo oder wie offt Jn des nott vnd durft geschiecht, als lehens chauffs vnd des landes ob der Enns recht ist. wa^er aber, daz sew an dem selben Hoff vnd seiner zugehoru^eng mit dem rechten icht chrieg oder ansprach gewu^ennen, von wem das wer, Es sey von Eribschafft, von Geldschuld oder von welicherlay sachen das wa^er, das sol ich obgenanter Philipp Tvmbsinger vnd mein Hawsvrow Jn aufrichten an all jr mue vnd scheden Vnd an alle wider red. Ta^eten wir des nicht, was sew denn des scheden nement chlain oder gross, wie sa das genant ist vnd gehaizzen mag, den sew gesprechen mugen an aid vngesworen, Jr ains wort dar vmb ze glauben, den selben schaden allen Sol ich obgenanter philipp Tvmbsinger vnd mein Hawsfraw jn abtu^en vnd den genczlichen wider cheren. Was in dar an abget, das sollen sew haben auf mir oftgenanten Philippen dem Tvmbsinger, auf meiner Hawsfrawn, darczu auff aller vnser Hab, di wir Haben, gewynnen oder lassen, da von sew denn jrer scheden bechomen sollen vnd mugen, als nagst sew mugen. Vnd ist gu^etlicher vnser will, wir sein lembtig oder tod, vnd loben jn das ga^ennczlichen sta^et haben mit vnsern trewn an all arig liste. wer auch den brieff mit gutlichem willen jrem jnne hatt, Sew sein geistlich oder werltlich, wie sa die genannt sind, di haben an dem oftgenantten Hoff vnd seiner zugehoru^eng alle die recht vnd sein den auch aller gelub vnd pv^ent schuldig vnd gepu^enden auszerichten jn aller der mass, als vor vnd auch hernach an dem brieff geschriben vnd begriffen ist. wer auch, das yemand zu dem hoff vnd seiner zugehoru^eng recht hiet vnd des erib sein wolt, der hat gewalt den Hoff mit sampt seiner zugehoru^eng von jn wider ze losen vmb achtzk phu^ent wienner phenning alle jar ierleich in den na^egsten virczehen tagen vor vnser frawn tag zder liechtmessen oder jn den nechsten virczehen tagen hinnach vnd ze dhainer zeit mer Jn dem Jar. Der vorgeschriben sach, der hanndlu^eng vnd des Chauffs Geben wir ze Vrchund vnd guter gedachnu^esss der worhait den gegenwurttigen brief besigelten mit mein obgenantes philipps des Tvmbsinger aigem anhanngunden jnsigel vnd ze pesser sicherhait vnd geczewgnuss mit Hern Fridreichs des Tvmbsinger zden zeitten pharrer ze Steyr vnd Hannsen des Tvmbsinger seins prueder vnd vlreichs des Ha^erings vnd mit des Edlen erbern Herren Hern Hainreichs von walse di zeit Haubtman ob der Enns vnd Chu^enrats di zeit Burgraff ze wassenberch aller Anhangunden jnsigel, die des chaufs mit jren jnsigel durich vnser fleissiger pett willen getzeug sind Jn vnd allen Jren Erben an schaden. Ich obgenantter Friedreich pharrer ze Steyr, Ich Hanns sein Brueder, Ich vlreich Häring verczeihen vns mit sambt vnsern erben des obgenanten Hoffs vnd seiner zugehoru^eng Also, das wir dagegen dhain ansprach, vordrung noch recht haben noch gewynnen sollen vill noch wenig dhainerlay weis angeuerd. Wann ich Stephann vnd ich peter geprueder die Tvmbsinger vnd ich lobey philipps des Tvmbsinger Hawsfraw aigner jnsigel di zeit nicht gehabt haben, verpinden wir vns mit vnsern Trewn jn aides weis den Chauff sta^et ze haben vnd verczeichen vns auch des Hoffs vnd seiner zugehoru^eng wysentlich mit dem brieff, das wir auch dogegen Hinfu^er nymermer nichts ze vodern noch ze sprechen haben wellen mit recht noch an recht jn dhain wegen vngeuerdlich. Wer, das der Jnsigel, so vorbenant sind, ains oder zwai an den brief nicht chemen, wie sich das fuegt, So sol dannoch der brieff bey allen seinen Chrefften beleiben Jn aller der mass, als sew alle dar an weren. Der brief ist geben ze lyntz an sand Florians Tag nach Christs gepurd drewczehen Hu^endert jar, Darnach jn dem Newn vnd Sybenczkisten jar.

Source Fulltext: OÖUB 9 (Wien 1906) S. 623-625