Ich Rueger Ploch, die czeit pfarrer zu Gramhartsteten vergich fur mich und fur all mein nachkomen und tuen kundt mit dem offenn/ brief allen den, die in sehent, ho/ernt oder lesent, das ich recht und redleich ze kauffen hab geben meinem holden Hannsen Achleytter und Elispeten,/ seiner hausfrawn und allen irn paiden eriben ain chaufrecht auf der widm zu [Nider] Prantstat, gelegen in Gramhartsteter pharr und in Wassenberger/ lanntgericht, da sew die czeit heisleich auf gesessen sind umb ain sum gellcz, der [ich gancz] und gar enntricht und [beczalt pin] worden zw rechter/ czeit an all schaden in solher mass, das sew mir oder meinen nachkomen pf[arrer oder vicari] zw Attenshaim davon [raichen] und dienen sullen all/ jar ierleich czu unser frawn tag czu rechter diennst czeit czwaiy pfunt pfenikg lanndes werumb, die gehornt zum salve [regina] daselbs gestift, damit/ ist all sambcztagnacht ze singen von Gorgen dem Grafena/ewer saligen, und als offt ein verbandlung mit dem benantten chaufrecht geschiecht, so/ gebent sew oder ir nachchomen czu ablait czwelif wyenner pfennig und wer aufert auch alls vil und nicht mer. Si sullen und mugen auch das/ vorgenant chaufrecht inn haben und selb heisleich dar auf siczen, nuczen und nyessen, verseczen, verchauffen machten und geben, wem sy wellen, doch/ ainem irm genossen, der uns czw ainem holden darauf fuegleich sey; sy sullen [uns auch allczeit] gewartig und [gehorsam sein,] alls ander holden und/ chaufrechter iren herren, und sullen uns auch die widem stiftleich und pechleich halden und lassen ze haws. […] ze veld, cze holcz und/ wismad mit aller seiner zugehorung [von] solher mass, das wir unser […] ich/ obgenanter Rueger und all mein nachkomen sein auch des chaufrechts […] recht herren/ scherm und gewern, alls kaufrechts und landes ob der Enns recht ist. Gieng in aber an der gewerschaft mit recht icht ab oder das in/ von mir oder meinen nachkomen oder von ander yemant von unsern wegen mit recht chrieg oder ansprach auf erstuend, das/ sullen und wellen wir in ganncz ausrichten und an aller stat richtig machen und geloben in das stat zu halten mit unsern trwen an/ gevar mit urchundt des briefs versigelt und bestätt mit meinem, des egenantten Rueger aigen anhangunden innsigel und czw/ pesserr sicherhait hab ich auch vleiss gepeten den erbergen und weysen Gorgen Poczner, die czeit markchtrichter zu Attenshaym, das/ er sein innsigl auch czu czeugnuss an den brief gehangen hat, im und seinen eriben an schaden. Der brief ist ist geben an mon-/ tag nach judica in der vasten alls man czallt nach krist gepurdt virczehen hundert und in dem siben und vierczigisten jare.